О, прехвальный и пречудный пророче Божий Давиде! Услыши нас, грешных и непотребных, в час сей предстоящих пред святою твоею иконою и усердно прибегающих к ходатайству твоему. Моли о нас Человеколюбца Бога, да подаст нам дух покаяния и сокрушения о гресех наших и всесильною Своею благодатию да поможет нам оставити пути нечестия, приспевати же во всяком деле блазе, да укрепит нас в борьбе со страстьми и похотьми нашими; да всадит в сердце наше дух смирения и кротости, дух братолюбия и незлобия, дух терпения и целомудрия, дух ревности к славе Божией и спасению ближних. Упраздни молитвами твоими, пророче, злыя обычаи мира, паче же погибельный и тлетворный дух века сего, заражающий христианский род неуважением к Божественней Православней вере, к уставам святыя Церкви и к заповедем Господним, непочтением к родителем и влаcтем предержащим, и низвергающий людей в бездну нечестия, развращения и погибели. Отврати от нас, пречудне пророче, предстательством твоим праведный гнев Божий, и избави вся грады и веси царства нашего от бездождия и глада, от страшных бурь и землетрясений, от смертоносных язв и болезней, от нашествия врагов и междоусобныя брани. Укрепи твоими молитвами православных людей, благопоспешествуй им во всех благих деяниих и начинаниях к водворению мира и правды в державе их. Пособствуй Всероссийкому Христолюбивому воинству во бранех со врагами нашими. Испроси, пророче Божий, от Господа пастырем нашим святую ревность по Бозе, сердечное попечение о спасении пасомых, мудрость в учении и управлении, благочестие и крепость во искушениих, судиям испроси нелицеприятие и безкорыстие, правоту и сострадание к обидимым, всем начальствующим попечение о подчиненных, милость и правосудие, подчиненным же покорность и послушание ко властем и усердное исполнение своих обязанностей; да, тако в мире и благочестии поживше в сем веце, сподобимся причастия вечных благ в Царствии Господа и Спаса нашего Иисуса Христа, Емуже подобает честь и поклонение, со Безначальным Его Отцем и Пресвятым Духом, во веки веков.
Аминь.
Молитва иная
Помяни, Господи, царя Давида и всю кротость его.
Тропарь, глас 2-й:
Благовествуй, Иосифе, Давиду чудеса Богоотцу: Деву видел еси рождшую, с пастыри славословил еси, с волхвы поклонился еси, Ангелом весть прием. Моли Христа Бога спасти души наша.
Тропарь, глас 2-й:
Пророка Твоего Давида, Господи, память празднующе, тем Тя молим: спаси души наша.
Кондак, глас 3-й:
Веселия днесь Давид исполняется Божественный, Иосиф же хваление со Иаковом приносит: венец бо сродством Христовым приемше, радуются, и неизреченно на земли Рождшагося воспевают, и вопиют: Щедре, спасай Тебе чтущия.
Кондак, глас 4-й:
Просветившееся Духом чистое твое сердце, пророчества бысть светлейшаго приятелище: зриши бо яко настоящая далече сущая: сего ради тя почитаем, пророче блаженне, Давиде славне.
> Ваши молитвы обращены к Давиду, к Марии и т.д. Но ведь Бог слушатель молитв, и Иисус посредник между Богом и человеком. Бог дает нам Святой дух, только у него он. Как можна молиться несовершенному человеку????
Дивен Бог во святых Своих , он подаёт нам через святых угодников Свою помощь и утешение,
Но без сомнения, когда мы молимся какому-нибудь святому , то должны возвышать свою мысль к Господу Богу – Подателю всех благ, должны помнить, что молитва-то о нас будет святого (ходатая), а исполнение последует от самого Бога.
Святая Церковь обращается к Господу Богу, Божией Матери и святым угодникам с молитвами об исполнении прошений по нашим частым нуждам...
Молитвою своею не наведи на себя негодование, но проси себе того, что достойно Бога. А прося, что достойно Бога, не отступай, пока не получишь.
Свт. Василий Великий
Да, согласна с вами....что всё наслаждения молитвы человек почерпывает от Бога-Духа, всю силу заимствует от Него,
но равно как, по Его благодати, от Матери Божией (Она избавляет от бед души наши, успокаивает, оживляет, радует), от ангелов и святых.
