Святые в Одесской земли просиявшие молите Бога о нас, 1660 просмотров, оценка: 2
загрузить оригинал на диск »
2
13 марта 2012 в 00:48 1660 просмотров 4 комментария
Тип: Фотораздел: Иконы
Код для текстов www.logoslovo.ru:
Ссылка:
Код для блога:

Комментарии (4)

Всего: 4 комментария
#1 | Лилия Никул »» | 01.07.2019 17:28
  
0
Молитва
О всеблаженнии и достохвальнии угодницы Божии, подвиги и чудесы своими землю нашу освятившии и нам путь ко спасению явившии! К вам усердно прибегаем и вам молимся со упованием крепким: принесите за нас грешных святыя молитвы ваши ко Господу и исходатайствуйте у благости Его вся благопотребная душам и телесем нашим, укрепите нашу веру, оградите нас от искушений и соблазнов, сохраните от грехопадений, возгрейте в нас святую любовь ко Господу и ревность о спасении нашем. Церкви святей и всему Отечеству нашему испросите мир, тишину и благоустроение. О преславнии и досточуднии заступницы наша, звезды всесветлыя Неба церковнаго, крини благоуханнии вертограда Божия, не презрите воздыханий наших, но да предстательством вашим и благодатию Божиею соблюдаеми и спасаеми и мы, грешнии, сподобимся чистым сердцем купно с вами и всеми святыми благословити и воспевати всесвятое имя Отца и Сына и Святаго Духа во веки веков. Аминь.
Иная молитва
О всеблаженнии и достохвальнии угодницы Божии, подвиги и чудесы своими землю нашу освятившии и нам путь ко спасению явившии. К вам усердно прибегаем и яже от сердец молитвы приносим:
О святый апостоле Андрее, учениче Спасов Первозванный, молитвами твоими утверди во правоверии землю нашу, яже тобою Светом Истины Христовы просвещена бысть.
О столпе незыблемый Церкве православныя, пречудне Анатолие священнострадальче, Крест служения архипастырского на рамена своя подъемый и на Голгофу радостно возшедый, предстательством твоим непоколеблемо ересьми и расколы стадо словесных твоих овец во веки сохрани.
О всеславный священномучениче отче Григорие, Константина града доблейственнейший первосвятителю, за люди твоя душу положивый, Господа присно моли, да низпошлет нам Свою благодать и укрепит во скорбех и обстояниих, находящих на ны.
О великий во иерарсех Иннокентие богомудре, Духа Всесвятаго трубо златословесная, Господа умоли о пастве твоей, да благодатию Своею покрыет и сохранит град наш от всякого зла и щедроты велия подаст людем Своим.
О благоуханный цвете горы Афонския, храмостроителю всеусердный, отче Гаврииле, моли Господа, да благодатию утвержденныя и добродетельми светлоукрашенныя души наша обители Себе соделает.
О богопросвещенный старче и веры Православной исповедниче, богоносне отче Кукшо, не остави ны, чада твоя духовныя, сиры, но явися нам путевождь к Свету невечернему Царствия Божия.
О премилостивый отче Ионо, чудотворче великий и пастырю добрый стада Христова, молитвами твоими во ограде церковней чада твоя сохрани от злых обычаев мира, таже от погибельнаго и тлетворнаго духа века сего.
О преславнии и досточуднии заступницы наша, звезды всесветлыя неба церковнаго, крини благоуханнии вертограда Божия, укрепите нашу немощь, оградите нас от искушений и соблазнов, сохраните от грехопадений, возгрейте в нас святую любовь ко Господу и ревность о спасении нашем, да благодатию Божиею соблюдаеми и спасаеми и мы грешнии сподобимся чистым сердцем купно с вами и всеми святыми благословити и воспевати всесвятое имя Отца и Сына и Святаго Духа во веки веков. Аминь.

https://ustavschik.livejournal.com/194223.html
#2 | Лилия Никул »» | 06.07.2019 12:06
  
0
7 июля - Собор Одесских Святых

Святые в Одесской земли просиявшие молите Бога о нас!

Молитва
О всеблаженнии и достохвальнии угодницы Божии, подвиги и чудесы своими землю нашу освятившии и нам путь ко спасению явившии! К вам усердно прибегаем и вам молимся со упованием крепким: принесите за нас грешных святыя молитвы ваши ко Господу и исходатайствуйте у благости Его вся благопотребная душам и телесем нашим, укрепите нашу веру, оградите нас от искушений и соблазнов, сохраните от грехопадений, возгрейте в нас святую любовь ко Господу и ревность о спасении нашем. Церкви святей и всему Отечеству нашему испросите мир, тишину и благоустроение. О преславнии и досточуднии заступницы наша, звезды всесветлыя Неба церковнаго, крини благоуханнии вертограда Божия, не презрите воздыханий наших, но да предстательством вашим и благодатию Божиею соблюдаеми и спасаеми и мы, грешнии, сподобимся чистым сердцем купно с вами и всеми святыми благословити и воспевати всесвятое имя Отца и Сына и Святаго Духа во веки веков. Аминь.
Иная молитва
О всеблаженнии и достохвальнии угодницы Божии, подвиги и чудесы своими землю нашу освятившии и нам путь ко спасению явившии. К вам усердно прибегаем и яже от сердец молитвы приносим:
О святый апостоле Андрее, учениче Спасов Первозванный, молитвами твоими утверди во правоверии землю нашу, яже тобою Светом Истины Христовы просвещена бысть.
О столпе незыблемый Церкве православныя, пречудне Анатолие священнострадальче, Крест служения архипастырского на рамена своя подъемый и на Голгофу радостно возшедый, предстательством твоим непоколеблемо ересьми и расколы стадо словесных твоих овец во веки сохрани.
О всеславный священномучениче отче Григорие, Константина града доблейственнейший первосвятителю, за люди твоя душу положивый, Господа присно моли, да низпошлет нам Свою благодать и укрепит во скорбех и обстояниих, находящих на ны.
О великий во иерарсех Иннокентие богомудре, Духа Всесвятаго трубо златословесная, Господа умоли о пастве твоей, да благодатию Своею покрыет и сохранит град наш от всякого зла и щедроты велия подаст людем Своим.
О благоуханный цвете горы Афонския, храмостроителю всеусердный, отче Гаврииле, моли Господа, да благодатию утвержденныя и добродетельми светлоукрашенныя души наша обители Себе соделает.
О богопросвещенный старче и веры Православной исповедниче, богоносне отче Кукшо, не остави ны, чада твоя духовныя, сиры, но явися нам путевождь к Свету невечернему Царствия Божия.
О премилостивый отче Ионо, чудотворче великий и пастырю добрый стада Христова, молитвами твоими во ограде церковней чада твоя сохрани от злых обычаев мира, таже от погибельнаго и тлетворнаго духа века сего.
О преславнии и досточуднии заступницы наша, звезды всесветлыя неба церковнаго, крини благоуханнии вертограда Божия, укрепите нашу немощь, оградите нас от искушений и соблазнов, сохраните от грехопадений, возгрейте в нас святую любовь ко Господу и ревность о спасении нашем, да благодатию Божиею соблюдаеми и спасаеми и мы грешнии сподобимся чистым сердцем купно с вами и всеми святыми благословити и воспевати всесвятое имя Отца и Сына и Святаго Духа во веки веков. Аминь.
#3 | Лилия Никул »» | 06.07.2019 18:26
  
0
СОБОР ОДЕССКИХ СВЯТЫХ
Икона Собора святых земли Одесской.
Икона Собора святых земли Одесской.
Собор Одесских святых, празднование Украинской Православной Церкви в честь святых Одесской земли
Память в 3-ю Неделю по Пятидесятнице

Празднование установлено решением Священного Синода Украинской Православной Церкви в 2006 году [1].

Икона Собора Одесских святых
Икона Собора Одесских святых
В Собор входят:
Ап. Андрей Первозванный (+ ок. 67; память 30 ноября)
Вмч. Иоанн Новый, Сочавский (+ 1330, память 2 июня)
Свт. Григорий V (Ангелопулос), патр. Константинопольский (+ 1821, память 10 апреля)
Прав. Феодосий Балтский, пресвитер (+ 1845, память 9 марта)
Свт. Иннокентий (Борисов), архиеп. Херсонский и Таврический (+ 1857, память 25 мая)
Прмч. Парфений, игум. Кизилташский (+ 1867, память 4 сентября)
Прп. Гавриил Афонский, архим. (+ 1901, память 9 июля, 6 октября) [2]
Сщмч. Дионисий (Сосновский), еп. Измаильский, викарий Кишинёвской епархии (+ 1918)
Сщмч. Гермоген (Долганёв), еп. Тобольский и Сибирский (+ 1918, память 16 июня, 20 августа)
Сщмч. Амвросий (Гудко), еп. б. Сарапульский и Елабужский, викарий Вятский (+ 1918, память 27 июля)
Мч. Иоанн Ковшаров (+ 1922, память 31 июля)
Прав. Иона Атаманский, Одесский, прот. (+ 1924, память 17 мая, 18 июня)
Сщмч. Анатолий (Грисюк), митр. Одесский и Херсонский (+ 1938, память 10 января)
Прмч. Владимир (Товстик), Черкасский, иеромонах (+ 1937, память 30 октября)
Сщмч. Павел Гайдай, пресвитер Акмолинский (+ 1937, память 23 августа)
Сщмч. Парфений (Брянских), еп. Ананьевский, викарий Одесской епархии (+ 1937, память 9 ноября)
Сщмч. Прокопий (Титов), архиеп. Одесский и Херсонский (+ 1937, память 10 ноября)
Прмч. Геннадий (Ребеза), архим. (+ 1937, память 19 ноября)
Мч. Леонид Сальков (+ 1938, память 19 ноября)
Сщмч. Серафим (Чичагов), митр. б. Ленинградский и Гдовский (+ 1937, память 11 декабря)
Сщмч. Антоний (Панкеев), еп. Белгородский (+ 1938, память 19 мая)
Сщмч. Онуфрий (Гагалюк), архиеп. Курский и Обоянский (+ 1938, память 19 мая)
Сщмч. Никодим (Кротков), архиеп. Костромской и Галичский (+ 1938, память 8 августа)
Прп. Кукша Одесский, схиигум. (+ 1964, память 16 сентября, 11 декабря)
Икона Собора Одесских святых. Иконостас Михаило-Архангельского женского монастыря в Одессе
Икона Собора Одесских святых. Иконостас Михаило-Архангельского женского монастыря в Одессе
Молитвы
Тропарь, глас 5

Всечестны́й Собо́р всеблаже́нных предста́телей на́ших/ Оде́сскую зе́млю по́двиги и чудесы́ свои́ми озари́вших:/ святи́телей и преподо́бных,/ му́чеников вку́пе и пра́ведных вси́х в пе́ниих просла́вим,/ просвеща́еми доброде́тельми и чудесы́ и́х пресла́вными,/ согла́сно уми́льно к ни́м возопии́м:/ уго́дницы Бо́жии возлю́бленнии,// моли́теся ко Го́споду спасти́ся душа́м на́шим.

Кондак, глас 6

Предста́телие на́ши неусы́пнии,/ хода́таи о на́с непреста́ннии,/ не пре́зрите моле́ний недо́стойных ча́д ва́ших,/ но поспеши́те на по́мощь на́м, во умиле́нии дне́сь взыва́ющим:/ ускори́те на моли́тву и потщи́теся на умоле́ние,// непреста́нно моля́щеся о ве́рою чту́щих ва́с.

Величание

Велича́ем ва́с,/ пресла́внии чудотво́рцы земли́ Оде́сския,/ гра́да на́шего небе́снии засту́пницы,// и моли́твенницы о душа́х на́ших.
#4 | Лилия Никул »» | 06.07.2019 18:26
  
0
АКАФИСТ СОБОРУ ОДЕССКИХ СВЯТЫХ
Для келейного чтения

КОНДАК 1.
Избрании и всехвальнии земли нашея чудотворцы, приснопрославляемии заступницы града нашего, воспевающее прославльшаго вас Господа, пение похвальное дерзаем вам приносити и любовию взывати:
Радуйтеся, преславнии чудотворцы, града и земли нашея священное украшение.

ИКОС 1.
Ангели земнии и человецы небеснии, преславнии чудотворцы Одесския земли, кия уста по достоянию пение возмогут вам принести, аще ли не вы в любви и уповании утвердите и взывати научите усердно:
Радуйтеся, всемудрии наша наставницы;
Радуйтеся, всеславнии о нас молитвенницы;
Радуйтеся, града Одессы священное радование;
Радуйтеся, страны нашея небесное заступление;
Радуйтеся, Православную веру утверждающии;
Радуйтеся, зловерие вселукавое отгоняющии;
Радуйтеся, от бед и напастей нас ограждающии;
Радуйтеся, на спасения стези верных наставляющии;
Радуйтеся, преславнии чудотворцы, града и земли нашея священное украшение.
КОНДАК 2.
Ведяще, яко много может молитва праведника споспешествуема, к вам, всеславнии, усерно притекаем и смиренно просим: в Православии нас недвижимо утвердите, да присно взываем Спасителю нашему: Аллилуиа.
ИКОС 2.
Разум наш, грехми помраченный, просветите и ко спасению вся ны наставите, всеславнии чудотворцы земли Одесския, да, благодатию Божиею утвержденнии, дерзаем приносити похвалы сия:
Радуйтеся, умнаго Солнца лучи доброславнии;
Радуйтеся, Божественныя Лозы отрасли богоизбраннии;
Радуйтеся, крини сладкоухании вертограда Христова;
Радуйтеся, вместилища всезлатая Духа Святаго;
Радуйтеся, измлада Христа возлюбившии;
Радуйтеся, благое иго Его на рамена своя подъявшии;
Радуйтеся, в заповедех Господних безпорочно ходившии;
Радуйтеся, доброделанию нас научающии;
Радуйтеся, преславнии чудотворцы, града и земли нашея священное украшение.
КОНДАК 3.
Силою Вышняго укрепите немощи человеческия всех, верою вас прославляющих, да, молитвами вашими утвержденнии и благодатию Божиею наставлении, Богу всяческих песнь со ангелы воспоем: Аллилуиа.
ИКОС 3.
Имеяй богатство милости, Спас наш призва вас яко рабы Своя благия и верныя к Небесному упокоению и благодать чудес обильно излия на вы, пречуднии заступницы наша, да будете скории помощницы всем, вас молитвенно призывающим:
Радуйтеся, Божиих дарований исполненнии;
Радуйтеся, благодатию Господнею осененнии;
Радуйтеся, чудес источницы неизсякаемии;
Радуйтеся, милостей кладези неоскудеваемии;
Радуйтеся, молитвы наша приемлющии;
Радуйтеся, дары Небесныя нам присно подающии;
Радуйтеся, благ духовных преславнии раздаятели;
Радуйтеся, православных неусыпнии хранители;
Радуйтеся, преславнии чудотворцы, града и земли нашея священное украшение.
КОНДАК 4.
Буря всезлая искушений постиже ны, чада ваша, преславнии чудотворцы и заступницы земли Одесския, вы же не оставите ны во скорбных обстояниих, но молитвами святыми своими оградите град и люди, неустанно взывающия Богу: Аллилуиа.
ИКОС 4.
Слышаще и видяще подвиги и труды ваша, пение дерзаем вам принести победное яко победителям всеславным, демонския дерзости поправшим и венцы победы от Господа приявшим. Вы же силою своею немощь нашу укрепите, да с любовию зовем вам сицевая:
Радуйтеся, ангельских соборов сомолитвенницы;
Радуйтеся, православных христиан наставницы;
Радуйтеся, путем тесным в радость Господа возшедшии;
Радуйтеся, вся красная мира сего во уметы вменившии;
Радуйтеся, молитвою страсти поправшии;
Радуйтеся, добродетельми душу свою украсившии;
Радуйтеся, бронею правды облеченнии;
Радуйтеся, венцем небесным увенчанннии;
Радуйтеся, преславнии чудотворцы, града и земли нашея священное украшение.
КОНДАК 5.
Божественным светом, егоже непрестанно созерцати сподобистеся, осветите сердца наша, да сердцем просвещенным купно со всеми святыми пение принесем Светоподателю Господу: Аллилуиа.
ИКОС 5.
Видяще усердие наше, не забудите немощныя чада своя, но присно посещайте милостями вашими всех, верою приносящих словословия и пения сия:
Радуйтеся, светильницы наша богоизбраннии;
Радуйтеся, наставницы наша богодарованнии;
Радуйтеся, обетований Божиих сонаследницы;
Радуйтеся, любви Христовы сопричастницы;
Радуйтеся, Церкве Православныя утверждение;
Радуйтеся, злобы еретическия посрамление;
Радуйтеся, яко вами истина вами истина возвещается;
Радуйтеся, яко вами лесть отгоняется;
Радуйтеся, преславнии чудотворцы, града и земли нашея священное украшение.
КОНДАК 6.
Проповедует земля Одесская славу вашу, и брег Евксинский подвиги вашими украшается, и люди православнии вами научаются всех благих Подателю Богу воспевати: Аллилуиа.
ИКОС 6.
Возсия слава ваша яко светило светозарное, всю землю нашу осветившее и многим путь ко Христу указующее. Мы же подвиги и труды вашими наставленнии, величаем вас гласы немолчными:
Радуйтеся, чада ваша любовию обымающии;
Радуйтеся, спасения многих взыскующии;
Радуйтеся, крепкое падающих возведение;
Радуйтеся, право стоящим утверждение;
Радуйтеся, Спаса Христа служителие всеусерднии;
Радуйтеся, Небеснаго Домовладыки раби благии и вернии;
Радуйтеся, жатвы Господней делателие неленостныя;
Радуйтеся, о людех православных молитвенницы предивнии.
Радуйтеся, преславнии чудотворцы, града и земли нашея священное украшение.

КОНДАК 7.
Хотением восхотели есте Града Вечнаго достигнути, емуже Художник и Создатель Бог и, покаянием убеливше ризы своя, вошли есте в радость Господа своего, еяже причастницы вашими молитвами и нас сотворите, да купно с вами и со всеми святыми воспоим Богу: Аллилуиа.
ИКОС 7.
Дивнаго во святых Своих Бога прославляюще, пение немощное приносим вам, преславнии чудотворцы земли Одесския и, любовию к вам воспламеняемии, воспеваем вам похвалы сия:
Радуйтеся, преславное наше избавление;
Радуйтеся, вражеския злобы посрамление;
Радуйтеся, всеславное верных похваление;
Радуйтеся, сил адских устрашение;
Радуйтеся, похвало земли Одесския;
Радуйтеся, утверждение Церкве Русския;
Радуйтеся, граждане прославленнии Иерусалима Небеснаго;
Радуйтеся, вернии сыны Отечествия земнаго.
Радуйтеся, преславнии чудотворцы, града и земли нашея священное украшение.
КОНДАК 8.
Странное и пречудное пение ныне ангельское слышаще, сему и нас причастницы вашим ходатайством соделайте, всеславнии наша заступницы, да во веки купно со бесплотными силами присно зовем победную песнь: Аллилуиа
ИКОС 8.
Всех Господь и Создатель яко стену необориму и защиту тверду яви вы граду Одесскому, да молитвами вашими сохраните град и люди, пение вам приносящи сицевое:
Радуйтеся, от внезапныя напасти нас ограждающии;
Радуйтеся, от недуга и глада нас избавляющии;
Радуйтеся, от междоусобныя брани нас защищающии;
Радуйтеся, к покаянию и доброделанию вся призывающии;
Радуйтеся, души наша благодатию Божией просвещающии;
Радуйтеся, сердца наша питием благочестия напояющии;
Радуйтеся, Истину вечную нам благовествующии;
Радуйтеся, от адския муки нас изымающии.
Радуйтеся, преславнии чудотворцы, града и земли нашея священное украшение.

КОНДАК 9.
Всякия добродетели вместилища богокрасная явилися есте, дивнии чудотворцы земли нашея, образ являюще жития праведнаго и всечестнаго, да подвигом ващим последствуя, сподобимся купно с вами песнь неосужденно взывати Богу: Аллилуиа.
ИКОС 9.
Витийствующий всуе и гордостию словеса плетущий язык не возможет похвалу воспети вам по достоянию, святии, мы же любовию разженнаго сердца песнь вам приносим, глаголющее:
Радуйтеся, путь ко спасению нам возвещающии;
Радуйтеся, многия ко Христу возвращающии;
Радуйтеся, всесветлое прелести попрание;
Радуйтеся, всемощное ересей посрамление;
Радуйтеся, неверия грознии обличителие;
Радуйтеся, Тайн Божиих вернии служителие;
Радуйтеся, благословением своим нас присно осеняющии;
Радуйтеся, враги наша устрашающии;
Радуйтеся, преславнии чудотворцы, града и земли нашея священное украшение.
КОНДАК 10.
Спасения нашего ходатаи будете присно, дивнии угодницы Божии, в земли нашея всеславно просиявшии, да ни один от чад ваших погибнет, но вси причастницы будем Царства вечнаго всех Царя и Владыки, идеже песнь поется славно: Аллилуиа.
ИКОС 10.
Стеною молитв ваших огражденни есмы от всякаго всегубительнаго прилога вражия, сего ради, вас ради чудеса нам явленная поминающее, похвалы сими достодолжно вас ублажаем:
Радуйтеся, вселукавых духов прогонителие;
Радуйтеся, козней диавольских победителие;
Радуйтеся, яко вами от напастей избавляемся;
Радуйтеся, яко вами благодати сподобляемся;
Радуйтеся, яко предстательством вашим жизнь вечная обретается;
Радуйтеся, яко молитвами вашими вера истинная утверждается;
Радуйтеся, нас от смерти лютыя свобождающии;
Радуйтеся, от греховных язв ны исцеляющии.
Радуйтеся, преславнии чудотворцы, града и земли нашея священное украшение.
КОНДАК 11.
Пение сие похвальное и молитвы усердныя приимите, дивнии и всеславнии чудотворцы, и предстательством вашим невредимы нас от всякаго зла сохраните и молитвами чада Света быти сподобите, да песнь всерадостную поем Богу: Аллилуиа.
ИКОС 11.
Светлостию подвига вашего, богоблажении, Церковь Православная украшаема, веселится и радуется о Бозе Спасе Своем, темже и мы, чада ваша духовная, подвиги и славу вашу воспеваем, глаголюще:
Радуйтеся, Светом Невечерним озареннии;
Радуйтеся, Славою Божией просвещении;
Радуйтеся, мглу неверия отгоняющии;
Радуйтеся, лживыя неправды потребляющии;
Радуйтеся, радуйся всякия правды исполненый;
Радуйтеся, добродетельми светло преукрашеннии;
Радуйтеся, любовию вашею всему миру возсиявшии;
Радуйтеся, добродетельным житием вся облиставшии.
Радуйтеся, преславнии чудотворцы, града и земли нашея священное украшение.

КОНДАК 12.
Благодати источниче приснотекущий, воды животочныя кладезю неисчерпаемый, преславный соборе всеблаженных чудотворцев, благодать нам у Господа испросите, да стопам вашим последствуя, сподобимся с вами и со всеми святыми в невечернем дни Царствия Христова воспевати: Аллилуиа.
ИКОС 12.
Поюще Бога, дивнаго во святых Своих, похвалы всяческия приносим вам, преславнии и всепетии чудотворцы земли нашея, молитвенницы о нас усерднии и заступницы наша всечуднии, и единым сердцем величаем вас, глаголюще:
Радуйтеся, причастницы вечныя радости;
Радуйтеся, вместилища божественныя сладости;
Радуйтеся, преславное верных величание;
Радуйтеся, православных крепкое упование;
Радуйтеся, правды дивное благоухание;
Радуйтеся, святости чудное сияние;
Радуйтеся, чудес источницы неистощимии;
Радуйтеся, исцелений кладези неисчерпаемии,
Радуйтеся, преславнии чудотворцы, града и земли нашея священное украшение.
КОНДАК 13.
О предивнии и всеславнии угодницы Божии, звезды всесветлыя неба церковнаго, похвало и величание града и страны нашея, приимите немощное пение сие от любве нашея вам возсылаемое и молите Господа и Владыку всяческих избавити нас душевреднаго прилога вражия, да спасение вечное улучивше, песнь купно с вами боголепно воспоим: Аллилуиа.
Сей кондак глаголи трижды, а посем 1 икос и 1 кондак.
МОЛИТВА ВСЕМ СВЯТЫМ ЗЕМЛИ ОДЕССКИЯ.
О, всеблаженнии и достохвальнии угодницы Божии, подвиги и чудесы своими землю нашу освятившии и нам путь ко спасению явивши! К вам усердно прибегаем и вам молимся с упованием крепким: принесите за нас грешных святыя молитвы ваши ко Господу и исходатайствуйте у благости Его вся благопотребная душам и телесем нашим, укрепите нашу веру, оградите нас от искушений и соблазнов, сохраните от грехопадений, возгрейте в нас святую любовь ко Господу и ревность о спасении нашем. Церкви святей и всему Отечеству нашему испросите мир, тишину и благоустроение.
О, преславнии и досточуднии заступницы наша, звезды всесветлыя неба церковнаго, крини благоухании вертограда Божия, не презрите воздыханий наших, но да предстательством вашим и благодатию Божиею соблюдаеми и спасаеми и мы, грешнии, сподобимся чистым сердцем купно с вами и всеми святыми благословити и воспевати всесвятое имя Отца и Сына и Святаго Духа во веки веков. Аминь.
Добавлять комментарии могут только
зарегистрированные пользователи!
 
Имя или номер: Пароль:
Регистрация » Забыли пароль?
© LogoSlovo.ru 2000 - 2019, создание портала - Vinchi Group & MySites