"Благослови, душе моя, Господа..."

Благословен еси, Господи!

Главная цель пения – помочь молитве.
Как отмечает греческий исследователь византийского распева священник Иоанн Фатопулос, церковная поэзия – самостоятельное музыкальное искусство, и оно не имеет своей целью мирское услаждение слуха, не является концертной музыкой, а цель её – служение в таинстве Церкви.
К музыке в Валаамском монастыре особое отношение. Здесь есть свой уникальный валаамский распев. В нем, как говорят монахи, слились древняя Византия и русский Север с его суровой природой.

http://youtu.be/1QXwJqtV5tU


Хор Братии Валаамского Монастыря

Благослови, душе моя, Господа, Благословен еси, Господи.
Благослови, душе моя, Господа, и вся внутренняя моя имя святое Его.
Благослови, душе моя, Господа, и не забывай всех воздаяний Его, очищающаго вся беззакония твоя, исцеляющаго вся недуги твоя, избавляющаго от истления живот твой, венчающаго тя милостию и щедротами, исполняющаго во благих желание твое: обновится яко орля юность твоя.
Творяй милостыни Господь, и судьбу всем обидимым. Сказа пути Своя Моисеови, сыновом Израилевым хотения Своя: Щедр и Милостив Господь, Долготерпелив и Многомилостив.
Благослови, душе моя, Господа, и вся внутренняя моя имя святое Его.
Благословен еси, Господи.

Псалом 102

Благослови, душе моя, Господа, и вся внутренняя моя имя святое Его. Благослови, душе моя, Господа, и не забывай всех воздаяний Его, очищающаго вся беззакония твоя, исцеляющаго вся недуги твоя, избавляющаго от истления живот твой, венчающаго тя милостию и щедротами, исполняющаго во благих желание твое: обновится яко орля юность твоя. Творяй милостыни Господь, и судьбу всем обидимым. Сказа пути Своя Моисеови, сыновом Израилевым хотения Своя: Щедр и Милостив Господь, Долготерпелив и Многомилостив. Не до конца прогневается, ниже во век враждует, не по беззаконием нашим сотворил есть нам, ниже по грехом нашым воздал есть нам. Яко по высоте небесней от земли, утвердил есть Господь милость Свою на боявшихся Его. Елико отстоят востоцы от запад, удалил есть от нас беззакония наша. Якоже щедрит отец сыны, ущедри Господь боящихся Его. Яко той позна создание наше, помяну, яко персть есмы. Человек, яко трава дние его, яко цвет сельный, тако оцветет, яко дух пройде в нем, и не будет, и не познает ктому места своего. Милость же Господня от века и до века на боящихся Его, и правда Его на сынех сынов, хранящих завет Его, и помнящих заповеди Его творити я. Господь на Небеси уготова Престол Свой, и Царство Его всеми обладает. Благословите Господа вси Ангели Его, сильнии крепостию, творящии слово Его, услышати глас словес Его. Благословите Господа вся силы Его, слуги Его, творящии волю Его. Благословите Господа вся дела Его, на всяком месте владычества Его, благослови, душе моя. Господа.


Псалом 145

Хвали, душе моя, Господа. Восхвалю Господа в животе моем, пою Богу моему, дондеже есмь. Не надейтеся на князи, на сыны человеческия, в нихже несть спасения. Изыдет дух его и возвратится в землю свою. В той день погибнут вся помышления его. Блажен, ему же Бог Иаковль Помощник, упование его на Господа Бога своего, сотворшаго небо и землю, море и вся, яже в них, хранящаго истину в век, творящаго суд обидимым, дающаго пищу алчущым. Господь решит окованныя. Господь умудряет слепцы. Господь возводит низверженныя. Господь любит праведники. Господь хранит пришельцы, сира и вдову приимет и путь грешных погубит. Воцарится Господь во век, Бог твой, Сионе, в род и род.


Третий изобразительный антифон. Блаженны

Во Царствии Твоем помяни нас, Господи, егда приидеши,

во Царствии Твоем.

Блажени нищии духом, яко тех есть Царство Небесное.

Блажени плачущии, яко тии утешатся.

Блажени кротции, яко тии наследят землю.

Блажени алчущии и жаждущии правды, яко тии насытятся.

Блажени милостивии, яко тии помиловани будут.

Блажени чистии сердцем, яко тии Бога узрят.

Блажени миротворцы, яко тии сынове Божии нарекутся.

Блажени изгнани правды ради, яко тех есть Царство Небесное.

Блажени есте, егда поносят вам, и изженут, и рекут всяк зол

глагол на вы, лжуще Мене ради.

Радуйтеся и веселитеся, яко мзда ваша многа на Небесех.

Комментарии (5)

Всего: 5 комментариев
#1 | Анна. »» | 26.02.2018 06:51
  
2
Антифоны пророчески изображают милости Божии, явленные человечеству через воплощение Сына Божия.
Воскресных антифонов три: псалом 102, псалом 145 и «Блаженны».

Первый антифон представляет собой 102 псалом: «Благослови, душе моя, Господа…» В это время в алтаре читается тайная молитва: «Господи Боже наш, Егоже держава несказанна и слава непостижима, Егоже милость безмерна и человеколюбие неизреченно, Сам, Владыко, по благоутробию Твоему, призри на ны и на святый храм сей и сотвори с нами, и молящимися с нами, богатыя милости Твоя и щедроты Твоя».

Раньше тайные молитвы читались вслух – никакой тайны в них нет; все дело в их непостижимости и величии.
Однако, начиная с VI века, их тихо читают в алтаре, в чем проявляется некое внешнее разделение на тех, кто священнодействует у Престола, и тех, кто священнодействует как народ Божий.
#2 | Анна. »» | 02.03.2018 13:02
  
1
Так звучит язык Христа:
единственный в мире монастырь проводит службы на арамейском языке.
Богослужение идет в монастыре Тринадцати ассирийских отцов в грузинском селе Старая Канда, в 25 км от Тбилиси.

#3 | Анна. »» | 02.03.2018 15:47
  
1
Схиархимандрит Серафим (Бит-Хариби) и хор монастыря 13 Ассирийских отцов "Псалом 50"


Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя. Яко беззакония моя аз знаю и грех мой предо мною есть выну. Тебе Единому согреших, и лукавая пред Тобою сотворих, яко да оправдишися во словесех Твоих и победиши, внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси, безвестная и тайная премудрости Твоея явил ми еси. Окропиши мя иссопом, и очищуся, омыеши мя, и паче снега убелюся. Слуху моему даси радость и веселие, возрадуются кости смиренныя. Отврати лице Твое от грех моих, и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего, и Духа Твоего Святаго не отыми от мене. Воздаждь ми радость спасения Твоего, и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего, возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо, всесожжения не благоволиши. Жертва Богу дух сокрушен, сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая, тогда возложат на олтарь Твой тельцы.
#4 | Анна. »» | 03.03.2018 16:34
  
1
Слава Богу за все - Свято-Елисаветинский монастырь

#5 | Анна. »» | 04.03.2018 17:01
  
1
Всякое дыхание да хвалит Господа, Хор братии Валаамского монастыря:

Всякое дыхание да хвалит Господа.
Хвалите Господа с небес,
хвалите Его в вышних.
Тебе подобает песнь Богу.
Хвалите Его вси ангели Его,
хвалите Его вся силы Его.
Тебе подобает песнь Богу.


Псалом 148

Хвалите Господа с небес,
хвалите Его в вышних.
Хвалите Его, вси Ангели Его,
хвалите Его, вся силы Его.

Хвалите Его, солнце и луна,
хвалите Его, вся звезды и свет.
Хвалите Его Небеса небес и вода, яже превыше небес.

Да восхвалят имя Господне:
яко Той рече, и быша, Той повеле, и создашася.
Постави я в век и в век века, повеление положи, и не мимоидет.

Хвалите Господа от земли, змиеве и вся бездны:
огнь, град, снег, голоть, дух бурен, творящая слово Его,
горы и вси холми, древа плодоносна и вси кедри,
зверие и вси скоти, гади и птицы пернаты.
Царие земстии и вси людие, князи и вси судии земстии, юноши и девы, старцы с юнотами,
да восхвалят имя Господне, яко вознесеся имя Того Единаго, исповедание Его на земли и на небеси.
И вознесет рог людей Своих, песнь всем преподобным Его, сыновом Израилевым, людем, приближающимся Ему.



Всякое дыхание да хвалит Господа



Псалом 149

Аллилуиа. Воспойте Господеви пeснь нову: хваление его в церкви прпдбных.
Да возвеселится Израиль о сотворшем его, и сынове сиони возрадуются о цари своем.
Да восхвалят имя его в лицe, в тимпанe и псалтири да поют ему.
Яко благоволит Господь в людех своих, и вознесет кроткия во спасeние.
Восхвалятся прпдбнии во славe и возрадуются на ложах своих.
Возношения Божия в гортани их, и мечи обоюду остры в руках их:
сотворити отмщение во языцeх, обличения в людех:
связати цари их путы, и славныя их ручными оковы желeзными:
сотворити в них суд написан. Слава сия будет всeм преподобным его.


Псалом 150

Аллилуиа. Хвалите Бога во святых Его, хвалите Его во утвержении силы Его. Хвалите Его на силах Его, хвалите Его по множеству величествия Его. Хвалите Его во гласе трубнем, хвалите Его во псалтири и гуслех. Хвалите Его в тимпане и лице, хвалите Его во струнах и органе. Хвалите Его в кимвалех доброгласных, хвалите Его в кимвалех восклицания. Всякое дыхание да хвалит Господа.
Добавлять комментарии могут только
зарегистрированные пользователи!
 
Имя или номер: Пароль:
Регистрация » Забыли пароль?
© LogoSlovo.ru 2000 - 2024, создание портала - Vinchi Group & MySites
ЧИСТЫЙ ИНТЕРНЕТ - logoSlovo.RU