Первая славянская редакция "Апостола" до 1220 года, когда после захвата Ромеи, Венецианцами и 72 лет грабежа и уничтожения Божественных письмен у нас вышел в совершенно иной редакции "Толковый Апостол" в 1220 году.
В послании Балдуина Фландрского, ставшего в 1204 г. императором Константинопольским, содержатся следующие характерные выражения: «чудесный успех», «неслыханная добыча», «беззакония греков у самого Господа вызвали рвоту». Редакция текста приписывается Иоанну, епископу Нуайонскому [98, стр. 5-б].
Рыцари-крестоносцы оправдывали себя тем, что они совершили богоугодное дело, ведь греки были схизматики, еретики, пожалуй, хуже мусульман и язычников. Культурно-исторический принцип возобладал над догматическим, и католичество, не сумев победить ислам, объявило войну православию [+5]. Папа Иннокентий III, который сначала был против войны с христианами и грозил крестоносцам отлучением, в 1207 г. встал (или вынужден был встать) во главе нового натиска на восток [+6]. В этот год католическим дипломатам удалось заключить соглашение с болгарским царем, что спасло Латинскую империю, а от Польши, Ордена, Швеции и Норвегии папа потребовал, чтобы они перестали ввозить на Русь железо. (первые санкции против Руси)
В булле русским князьям в 1207 г. он писал: «Так как страна греков и их церковь почти полностью вернулись к признанию апостольского креста и подчиняются распоряжениям его, представляется заблуждением, что часть не соглашается с целым и что частное откололось от общего»
Иов҇на.- пишется в списке Мефодиевском как Иона с титлом в котором буква В, что подразумевает Иванова.
Якоже – как, чтобы, подобно как, потому что.
Яко - точно, словно, как
Аще – если; аще ли – или; хотя бы;
аще ли же ни – а иначе; аще како – может быть; аще яко – так как
Яже – которая, который
Еда — ли, разве, неужели, не—ли.
Егда - "когда"
Непщую "предполагать, полагать",
др.-русск. непьщевати, непьщую "думать, полагать
не обинуясь (книжн.) - не задумываясь, не сомневаясь, без колебаний.
ЗАНЕ - "потому что, так как, ибо, для того"
ЗЕЛО = весьма, очень, сильно, крепко, больно, дюже; много
паче -больше
тем паче - тем более.
Первая славянская редакция "Апостола" до 1220 года, когда после захвата Ромеи, Венецианцами и 72 лет грабежа и уничтожения Божественных письмен у нас вышел "Толковый Апостол" в 1220 году.
В послании Балдуина Фландрского, ставшего в 1204 г. императором Константинопольским, содержатся следующие характерные выражения: «чудесный успех», «неслыханная добыча», «беззакония греков у самого Господа вызвали рвоту». Редакция текста приписывается Иоанну, епископу Нуайонскому [98, стр. 5-б].
Рыцари-крестоносцы оправдывали себя тем, что они совершили богоугодное дело, ведь греки были схизматики, еретики, пожалуй, хуже мусульман и язычников. Культурно-исторический принцип возобладал над догматическим, и католичество, не сумев победить ислам, объявило войну православию [+5]. Папа Иннокентий III, который сначала был против войны с христианами и грозил крестоносцам отлучением, в 1207 г. встал (или вынужден был встать) во главе нового натиска на восток [+6]. В этот год католическим дипломатам удалось заключить соглашение с болгарским царем, что спасло Латинскую империю, а от Польши, Ордена, Швеции и Норвегии папа потребовал, чтобы они перестали ввозить на Русь железо. (первые санкции против Руси)
В булле русским князьям в 1207 г. он писал: «Так как страна греков и их церковь почти полностью вернулись к признанию апостольского креста и подчиняются распоряжениям его, представляется заблуждением, что часть не соглашается с целым и что частное откололось от общего»
Иов҇на.- пишется в списке Мефодиевском как Иона с титлом в котором буква В, что подразумевает Иванова.
Иов҇на ЄПИСТОЛИѢ
Єже бѣ испрьва неже слышахомь̀ и еже видѣхомь очима нашима ̀еже вьнедрихомь ̀ и рѹки наше осезаше о словеси животьнѣмь и животь ѣвисе ̀ и видѣхомь и ̀ и свѣдѣтельствꙋє и повѣдаємь вамь животь вѣчьниа иже бѣ вь Ѿц҇и и ѣвисе намь ̀ єже видѣхомь и слышахомь повѣдаемь вамь ̀ да и вы причестие имате снимы ̀ и причестие наше сь Ѻц҇емь и Сыномь Его Исх҇омь ̀ и се пишемь да радость ваша испльнена бѹдеть ̀ несть си вѣсть юже слышахомь ѿНего ̀ и повѣдаемь вамь ̀ ѣко Б҇ь свѣть єсть и тьмы нѣсть вьнемь ̀ ниєдиное
Аще речемь ѣко грѣха неимамь ̀ и причестие имамь сьнимь ̀ вьтьмѣ ходимь льжемь и нетворимь истины ̀
Ащели вьсвѣтѣ ходимь ̀ ѣко самь єсть вьсвѣтѣ ̀ причестие кьсебѣ и крьвь исхс҇а сына его ѡцѣщаеть ны ̀ ѿвсакого грѣха
Аще мы речемь грѣха неимамь себе льстимь ̀ ист҇ини его нѣсть вьнась ̀
Аще исповѣдаемь грѣхи свое ̀ вѣрь єсть и праведьнь ̀ да ѿпѹстить грѣхы наше ̀ и оцѣстить ны ѿвсакое неправьды ̀
Аще речемь несьгрѣшихомь ̀ льжа сьтворихомь его ̀ и словесе его нѣсть вьнась ̀
Чедьца моѣ си пишѹ вамь да несьгрѣшаете ̀ наше кто сьгрѣшаеть ходатаѣ имать ̀ кь ѻц҇ѹ исх҇а праведьника и ть ѡцѣщение єсть о нашихь грѣсѣхь ̀ не о нищихь же єдинихь ̀ нь о всємь мирѣ ̀ и о семь разѹмѣемь ѣко познахомь и ̀ ѣко заповѣди єго хранимь
Глаголєи ѣко ꙋвѣдѣхь заповѣди єго и не сьблѹдає ихь льжь єсть ист҇ини бж҇ие нѣсть вьнемь ̀ иже аще сьблѹдеть слово єго ̀ вьист҇инѹ лѹбвь бж҇иѣ вьнемь сьврьшаеть се ̀ о семь разѹмѣемь ̀ ѣко вьнемь есмь ̀
Глаголеи о немь жити дльжь есть ̀ ѣко же ионь ходиль есть ́ и сь такожде да ходить
Вьзлѹблени неновѹ заповѣдь пишѹ вамь ̀ ньзаповѣдь ветьхѹ ̀ южє имѣсте испрьва ̀ заповѣдь ветьха есть ̀ слово єже слышасте испрьва ̀ паки заповѣдь новѹ пишѹ вамь ̀ ѣжє єсть ист҇инна вьнемь и в нась ̀ ѣко тама мимо ходить ̀
А свѣть истиньни се сиѣєть ̀ глаголеи вьсвѣти бити а брата своего ненавиде ̀ вь тьмѣ есть доселѣ ̀ иже лѹбить брата своего ̀ вьсвѣтѣ живеть и сьблазна нѣсть вьнемь
А ненавиде брата своего вьтьмѣ єсть ̀ и вьтьмѣ ходить и не вѣсть камо гредеть ̀ ѣко тьма ослѣпи очи ємѹ ̀
Пишѹ вамь чедьца ѣко ѿпѹщаютьсе вамь грѣси имене моего ради ̀ пишѹ вамь оц҇и ѣко разѹмѣсте исконьнаго ̀ пишѹ вамь юноти ̀ ѣко побѣдистесе непрьѣзнь ̀ писахь вамь дѣти ̀ ѣко познасте оц҇а ̀ писахь вамь ѿц҇и ѣко познасте исконьнаго ̀ ̀ писахь вамь юноти ѣко крѣпьци єсте ̀ и слово Б҇жи вьвась прѣбываеть и побѣдисте неприѣзнь ̀ и нелѹбите мира сего ̀ ниѣже вьнемь сѹть
Аще кто лѹбить мирь сь нѣсть лѹбве Очє вьнемь ̀ ѣко вс҃е єже вьсвѣтѣ семь ̀ похоть пльтьска и похоть очию грьдина житиѣ нѣсть ѿоц҇а нь ѿ мира сего єсть и мирь сь мимо ходить и похоть его ̀ а твореи волѹ бж҇ию прѣбываеть ꙋ вѣки
Лѣти послѣдьна година есть
Ѣко слышасте ѣко антикрьсть гредеть ̀
И н҃нѣ антикрьсти мнози быше ̀ тѣмь же разѹмѣемь ̀ ѣко послѣдьнаѣ єсть година ̀
Ѿ нась изидꙋ нь небише ѿ нась ̀ аще бо бише ѿ нась были ̀ прѣбыли быше нь да ѣветьсе ѣко небыше ѿ нась и вы помазание имате ѿ ст҇аго и вѣсте вс҃е
Не писахь вамь ѣко невѣсте ист҇ини ̀ нь ѣко вѣсте ю ̀ ѣко всака льжа ѿ ист҇инны нѣсть ̀ кто єсть льживи ̀ тьчью ѿмѣтаеи се ̀ ѣко Исѹсь нѣсть хс҇ь се есть антикрьсть оьѿмѣтае се Сына
И всакь ѿмѣтаеть се сына ни оц҇а имать ̀
Вы ꙋбо єже слышасте испрьва да ꙋ вась прѣбываеть ̀ аще ꙋ вась прѣбываеть ̀
Єже испрьва слышасте и вы вь Оц҇и и С҇не прѣбываете се єсть обѣтование ̀ єже самь обеща вамь животь вѣчьнни ̀
Се писахь вамь о льстещихь вы ̀ и вы помани е єже приєсте ѿнего ̀ вьвась прѣбываеть и нетрѣбѹете да кто ꙋчить вы ̀ нь ѣко показание его ꙋчить вы о всемь ист҇иньно єсть и нѣсть льже ѣко же наꙋчиние єсте имь прѣбывати о немь ̀ и н҃нѣ чедьца моѣ прѣбываите о немь
Да егда ѣвитьсе дрьзновение имамь и непостидимьсе ̀ ѿ него вьпришьствие єго ̀
Аще се вѣсте ѣко праведьникь єсть
Разѹмѣеть ѣко всакь твореи правдѹ ѿ Него рождень єсть ̀
Видѣте какꙋ лѹбьвь дасть намь Ѿц҇ь ̀ Да чеда Бж҇иѣ наречемьсе и єсмь
Сего ради мирь невѣсть вась ̀ ѣко неразѹмѣ єго вьзлѹблени ̀ нынѣ чеда Бж҇иѣ єсмь не все ѣвить что бѹдеть ̀ вѣмь же ѣко аще ѣвитьсе подобьни ємѹ бѹдемь ̀ ѣкоже видимь и ̀ ѣкоже есть ̀ и всакь имѣи е ꙋпование нань очиститьсе ̀ ѣкоже онь чисть есть
И всакь иже творить грѣхь и безаконие творить и грехь есть безаконие
И вѣсте ѣко онь ѣвисе да грѣхы наше вьзьметь и грѣха вьнемь нѣсть
Да всакь прѣбиваеть о немь не сьгрѣшаеть
А всакь сьгрѣшаеи не видѣ єго ни разѹмѣ єго
Чедьца моѣ да никьто же вась лстить
Твореи правдѹ праведьникь єсть
А твореи грѣхь ѿ неприѣзни єсть
Зане искони неприѣзнь сьгрѣшаеть
Сего ради ѣвисе С҇нь Б҇жи да радрѹшить дѣла неприѣзниньна
Всакь рождени ѿ Б҇а грѣха не творить ѣко сѣме єго вьнемь прибиваеть и не можеть сьгрѣшити ѣко ѿ Б҇а родисе ̀ сего ради ѣви сѹть чеда Б҇жиѣ и чеда неприѣзниньна
Всакь твореи неправьдѹ нѣсть ѿ Б҇а и не лѹбеи брата своего ̀ ѣко си҃ єсть вѣсть ̀
Юже слышасте испрьва ̀ да лѹбимь себе не ѣкоже каень ѿ неприѣзни бѣ ̀ и закла брата своего ̀ И закою винѹ закла и
Зане дѣла єго зла быше ̀ а брата єго праведьна ̀ недивитесе братие моѣ аще ненавидить всь мирь ̀
Мы вѣмь ѣко придомь ѿ сьмрьти вьживоть
Ѣко лѹбимь братию ̀ не лѹбеи брата своего вьсьмрьти прѣбываеть
Всакь ненавидеи брата своего чловеко ꙋбиица єсть ̀ и вѣсте ѣко всакь чловеко ꙋбиица не имать живота вѣчнаго вьсебѣ прѣбывающа
О семь разѹмѣемь лѹбьвь ̀ ѣко онь за ны дш҇ѹ свою положи ̀ и мы дльжьни єсмь по брати дш҇е свое полагати ̀
Нежели аще имати житие мира сего ̀
И видить своего трѣбѹюща ̀ и затворить ꙋтрѹбѹ свѹ ѿ него ̀ како лꙋби Бж҇иѣ прѣбываеть вьнемь
Чедьца моѣ нелꙋбимь се словомь ни єзыкомь нь дѣломь ист҇иною и о семь разѹмѣемь ̀ ѣко ѿ ист҇ины єсмы и прѣдь нимь да изьвѣстимь срьд҇ца наша ̀
Зане аще зазрить на насьсь сьсрд҇це ̀ ѣко боли єсть Б҇ь сьсрдца нашего и вѣсть все
Вьзлѹблени аще срд҇це наше незазьрить вьнась ̀ дрьзьновение имамь кь Б҇ѹ ̀ и єго же аще просимь примемь ѿ него ̀ Ѣко заповѣди єго блѹдемь и ꙋгодьна ємѹ творимь ̀и се єсть заповѣдь єго
Да вѣрѹемь вьимє сына єго Исх҇а ̀ и лѹбимь дрѹгь дрѹга ̀ ѣкоже даль єсть намь заповедь и сьблѹдаеи заповѣди єго вьнемь прѣбываеть и ть вьнемь ̀ ѿ него разѹмѣемь
Ѣко вьнемь прѣбываеть и та вьнась ̀ ѿ д҇ха же своего дасть намь
всакь вѣрѹи ѣко исѹсь єсть Х҇ь ѿ Б҇а рождень єсть и всакь лѹбеи рожьшаго лѹбить и рожьдьшаго се ѿ него о семь разѹмѣемь и ѣко лѹбимь чеда Б҇жиѣ ̀ єгда Б҇а лѹбимь и заповѣди єго блѹдемь се бо єсть лѹбы Б҇жиѣ ̀ да заповѣди єго блѹдемь и заповѣди єго блѹдемь и заповѣди єго нѣсть тешьки ̀ ѣко рожденое ѿ Б҇а побѣждаеть мирь и се єсть побѣда побѣждающиѣ всь мирь ̀ вѣра наша ̀
Кто єсть побѣждаеи всь мирь ̀ тьчию вѣрꙋеи ѣко исѹсь єсть сынь Б҇жи
сь єсть пришдьи водою и крьвию исх҇ь ̀ неводою тьчию ньводою и крьвию ̀ д҇хь єсть свдѣтельсвѹе ѣко д҇хь есть ист҇ина ̀ ѣко трье сѹть свдѣтельствѹющеи д҇хь вода и кровь трье вьедьно сѹть
Аще свдѣтельство члвчьско приемлемь свдѣтельство Б҇жие боле єсть ̀ ѣко се єсть свдѣтельство Б҇жие єжє свдѣтельствова о сынѣ своемь ̀ се єсть свдѣтельство ѣко жизнь вѣчьнѹю дасть намь Б҇ь и си жизнь о сынѣ своемь емѹ єсть
Имѣеи сына Б҇жиѣ имать живот ̀ а неимѣ сына Б҇жиѣ живота неимать
Се писахь вамь вѣрѹющимь вьиме сына Б҇жиѣ да ꙋвѣсте ѣко жизнь вѣчьнѹю имате
И да вѣрѹете вьсына Б҇жиѣ и се єсть дрьзновение єжє имамь кьнемѹ ́ ѣко аще просимь чесо по воли єго послѹшаеть нась ́
Єго же просимь ́ вѣмь ́ ѣко послꙋшаниѣ наша ихь же просимь ѿ нєго
Аще кто видить брата своего сьгрѣшающа грѣхь некьсьмрьти ̀ да испросить и дасть ємѹ живот ̀ Сьгрѣшающимь некьсьмрьти ̀ єсть грѣхь кьсмрьти нь неотомь гл҃ѹ да помолетьсе
Всака неправда грѣхь єсть и єсть грѣхь нь некьсмрьти
вѣмь ѣко всаки рождени ѿ Б҇а несьгрѣшаеть ̀ нь рождени ѿ Б҇а блѹдетьсе и неприѣзнь неприкоснетьсе ємꙋ ̀ вѣмь ѣко ѿ Б҇а єсмы
И всь мирь вьзлѣ лежить ̀ ѣвѣ же сынь Б҇жи приде и дасть намь смысль ̀ да разѹмѣемь ист҇иньнаго Б҇а и бѹдемь о истѣнимь боз҇ѣ и сынѣ его Исх҇ѣ си єсть ист҇инни Б҇ь и жизнь вѣчьнаѣ
Чедьца хранитесе ѿ трѣбь амнь
Старьць гаєви вьзлѹбленомꙋ єго же азь лѹблѹ вьист҇инꙋ ̀
вьзлѹблене о всемь м҇олꙋсе вьзрадоватисе и спѣти ѣко же спѣєть ти се дш҇и
Радь бо быхь зѣло гредѹщимь братомь и свѣдѣтельствꙋющи ист҇ѣни твоеи ̀
ѣкоже ты вынѹ ходиши больше сеи лѹбве неимамь и радости да слышѹ моѣ чеда вьист҇инѣ ходєща
Вьзлѹблене вѣрьно твориши єжє аще твориши сьдѣеши братолѹбие вьстраннихь
Єжє свѣдѣтельствоваше лꙋбьви твоеи прѣдь црь҇квью ̀
добрѣ твориши провождь достоино Б҇ѹ о имени бо изидѹть
Ничесоже приемлѹще ѿ єзыкь мы ꙋбо дльжьни єсмь примати таковихь ̀
Да спѣшьници бꙋдемь ист҇инѣ ̀ Писахь цркви
Нь лѹбеи прьвьньство ихь ̀ Диотрепись неприемлеть нась ̀
сего ради аще придѹ вьспоменѹ єго дѣла ѣже творить ̀
словеси зьлыми блєдыи о нас и недовольнь бывае о сихь ̀
ни самь приєть братие и хотещимь вьзьбранаеть и ѿ црк҃҃҃҃веи зьгонить
Возлѹблене ̀ неподобисе зьлѹ ньблагомѹ ̀
твореи благое ѿ Б҇а єсть ̀ а твореи злое невидѣ Б҇а ̀
Дьмитриеви свдѣтельствова се о вьсѣхь и ѿ самое ист҇ины ̀
мы же свдѣльствовꙋемь и вѣсте ѣко свдѣтелство наше истина єсть
Много имахь писати ̀ нь нехощѹ чрьниломь и трьстию писати тебѣ ̀
Ѹпьваю же абие видѣтите и ꙋсти кьꙋстомь глевѣ
Мирь тебѣ целѹють те дрѹзи
Целѹи дрꙋги поимени ам҇нь
Братие моѣ неналица зрєще имѣите вѣрѹ га҇ нашего ИсХ҇а слави
Аще бо вьнидеть вьсьньмище ваше мѹжь златьпрьстеньно се и ꙋризѣ свѣтлѣ
Вьнидеть же и нищи вьскрьвнѣ ризи и вьзрите на носещаго свѣтлѹ ризѹ и речете ємꙋ седи сьдѣ добрѣ
а нищемѹ речете ты стани тамо или седи сьдѣ наподьножи моемь
не расмотристе вьсебѣ и бѣсте сꙋдие помышлениемь зломь
Помышлаите братие моѣ вьзлѹбленаѣ не Б҇ь ли избра нищее ѿ мира
а богатие ꙋ вѣри и наслѣдьники цртс҇вию єже ѡбеща Г҇ь лѹбещимь єго
вы же ꙋкористе нищаго небогати ли обладають вами и ты влачеть вы на сꙋдища
не ти ли хѹлеть доброе имє ваше нареченое на вась
Аще ли ѹбо законь коньчаваете црски по книгамь возлѹбиши искрьнаго своего ѣко самь се
добрѣ творите аще ли на лица зрите грѣхь творите облимиеми ѿ закона ѣко прѣстѹпьници
Иже бо всь законь сьблѹдеть сьгрѣшить же вьєдиномь бс҇ы повиньнь всѣмь
Реки бо ꙋбо непрѣлѹбьве створиши рече неѹкрадеши и неꙋбиеши
ащели прѣлѹбьве нестворишь ꙋбиеши же бс҇ы законо прѣстѹпьникь.
Тако глаголите и тако творите
Ѣко закономь свободьнимь хощете сѹдь приєти
сѹдь бо безь ми҇лости нестворьшѹмѹ ми҇лости хвалить же се ми҇лостинна на сꙋдѣ
Ка єсть польза братие моѣ аще гле҇ть кто вѣрѹ имѣти а дѣль не имать еда можеть вѣра сп҇сти и
Аще брать или сестра нага бѹдета и лишена дне҇вьнаго житиѣ
речеть же кто ѿ вась има и дѣта сьмиромь грѣи та се и насыщаи та се
а недасть же има трѣбованиѣ тѣлеси ка єсть польза такои вѣрѣ аще дѣль неимать мрьтва єсть
Нь аще кто речеть ты вѣрѹ имаши азь дѣла имамь покажи ми вѣрѹ свою ѿ дѣль своихь
азь покажѹ ти тебѣ вѣрѹ мою ѿ дѣль моихь
ты вѣрѹеши ѣко бь҇ єдинь єсть добрѣ твориши и бѣси вѣрѹють ньисчазають
Хощеши ли разѹмѣти ѻ чел҃вче тьщь ѣко вѣра безь дѣль мрьтва есть о себѣ
А дѣла безьвѣри непрославетьсе
Аврама Ѿц҇ь нашь не ѿдѣль ли оправьдисе вьзьнесь сына своего исака наольтарь
видиши ли ѣко вѣра поспѣваше дѣломь его и ѿ дѣль вѣра сьврьшисе и сьбышесе
книги глю҇щє вѣрова аврамь Богови и вьмѣнисе ємꙋ вьправдѹ и дрꙋгь Б҇жи наречесе
Видите ли ꙋбо ѣко ѿ дѣль оправдаетьсе человекь а не ѿ вѣри єдиное
Такожде и варава блѹдьнаѣ не ѿ дѣль ли оправдисе приемьши сходьники инѣмь пѹтемь изведе є
Ѣко же бо тѣло безь д҇ха мрьтво єсть тако и вѣра безь дѣль мрьтва єсть
Немнози ꙋчителе бѹдѣте братие моѣ вѣдѹще
ѣко боли грѣхь примемь много бо сьгрѣшахомь вси
Аще кто словомь несьгрѣшаеть си сьврьшенъ мѹжь
охльстати вс҃е тѣло свое се конемь ꙋзды вьꙋста вьлагаемь
да повинꙋетьсе намь и все тѣло ихь обращаемь
Се и корабли колици сѹщи и ѿ жестокихь вѣтрь затачаеми
ѡбращаютьсе маломь крьмиломь ѣко ѣможе аще стрьмление правєщꙋмѹ хощеть
Тако и єзыкь маль ꙋдь єсть и величаетьсе се маль огнь
коликꙋ граматꙋ сьжигаеть и єзыкь огнь лѣпота неправдѣ
Тако и єзыкь ꙋтваетьсе вьꙋдѣхь нашихь
Скрьне вс҃е тѣло и пале около рожьства нашего опалае се ѿ геоны
Всака бо вещь звѣри же и птице гади же морьсци ѹмѹчаютьсе и ѹмѹчени сѹть вещью члвчскою
А эзыка никьто же неможеть ѿ члвкь ꙋмѹчити неодрьжимое зьло испльнень ѣда сьмрьтьнаго
Тѣмь блгс҇҇҇҇҇҇҇ловимь Б҇а и Ѿц҇а и тѣмь кльнемь человеки бывьшее по образѹ Бж҇ию
и ѿ техь ѹсть исходить благословение и клєтва
Неподобаеть братие моѣ симь тако быти
Єда ꙋбо источьникь ѿ єдинаго протаѣниѣ
Точити сладькѹ и горькѹ водѹ
еда можеть братие моѣ смоква мослице творити или лоза смокви
тако ни єдинь источникь сланѹ и слатькѹ творити водѹ
Кто прѣмѹдрь и хитрь вьвась братие моѣ
да ѣвить ѿ доброго житиѣ дѣла своѣ в кротости прѣмѹдрьнѣ
Ащели зависть горькѹ имате и рьвение вьсрдцихь вашихь
не хвалитесе и не льжите на ист҇инѹ
нѣсть си прѣмѹдрость сходєщиѣ сьвыше ньземльна и д҇шевьнаѣ и неприѣзниньна
идѣже бо зависть и рьвение тѹ нестроение и всака злаѣ вещь
А вышьнаѣ прѣмѹдрость прьвое причиста єсть потомь же мирьна смотрьлива покорива
Испльнь м҇лостине плодь благь безь сѹмнениѣ и безь лицемѣриѣ
плодь же благь и праведны вьмирѣ сѣеть се творєщимь мирь
Ѿкѹдѹ брани и сьвари вьвась не ѿсѹди ли ѿ сласти вашихь воющихь вы вьꙋдѣхь вашихь
Желаєте и неимаите ꙋбиваите и завидите и неможете ꙋлꙋчити сьваритесе и боретесе и неимате
зане непросите и неприемлете зане злѣ просите да вьсластехь вашихь иждевете
Прѣлѹбодѣицы и прѣлѹбодѣице невѣсте ли ѣко лѹби свѣта сего вражда Б҇ви єсть
Иже бо аще изьволить дрѹгь свѣта сего быти врагь Б҇жи бываеть или мните
ѣко вьтьще книги гла҇ють кьзависти вьзлѹблаите д҇хь иже вьселисе вьвась большѹ же дасть блгд҇ть
Тѣмь же глє҇ть Б҇҇ь грьдимь противитьсе а сьмѣренимь же даєть благодѣть
Повинитесе Б҇ви противите неприѣзни и бѣжить ѿ вась приближитесе кьБ҇ѹ и приближить сє кьвамь
очистите рꙋцѣ грѣшьнѣи и очистите срдца дводш҇ни постраждите и сльзите и плачитесе
Смѣхь вашь вьплачь да обратитьсе а радость вьꙋмление смѣритесе прѣдь Б҇мь и вьзнесеть вы
Неоклетиваите себе братие моѣ оклетиваи є бо брата своего или осѹждає и оклетиветь законь
и осѹждаеть законь а осѹждае законь ꙋбо нѣсть сьхраникь законѹ нь сѹди єдинь єсть
законо давьць сѹдии и моги сп҇сти и погѹбити а ти кто єси осѹждаеи дрѹга
Вола нынѣ глю҇щеи д҇ньсь и ѹтрѣи подимо вь си҃ градь и створимь тѹ лѣто єдьно
и кѹплѹ створимь и прикѹпимь невѣдѹще ꙋтрьнаго кибо животь вашь
пара бо єсть вьмалѣ ѣвлающи се потомь же ичезающи зане би гла҇ти вамь
аще Г҇ь хощеть поживемь и створимьсе или оно нынѣ же хвалитесе вьгрьдинахь вашихь
всака хвала така неприѣзнина єсть
Вѣдѹщѹмѹ добро творити и не творемѹ грѣхь ємꙋ єсть
Вола нынѣ бга҇ти плачитесе задрьзающесе о страстехь вашихь гредѹщихь на вы
Богатьство ваше изьгни и ризи ваше молеве поѣше
Злато ваше и сребро изрьждавѣ и рьжда юже послѹжение вамь бѹдеть и
снѣсть пльти ваше ѣко огнь и сьнискасте вьпослѣднее дни
се мьзда дѣтелель дѣлавьшихь нивы ваше
лишенихь ѿ вась вьпиеть и клицаниемь жьньшихь вьꙋши Г҇ѹ саваотѹ вьнидꙋ
Веселитесе на земли и насладитесе и вьпитѣсте срдца ваша
ѣко вьд҇нь заколениѣ осѹдисте праведьнаго и ꙋбисте и
непротивитьсе вамь потрьпѣте ѹбо братие до пришьствиѣ Г҇на
Се дѣлатель жьдеть драгога плода земле
Трьпе о немь доньдѣже приметь дьждь рань и поздьнь потрьпѣте ꙋбо и
ꙋтврьдите срдца ваша ѣко пришьствие Г҇не приближисе
Невьздыхаите на се братие да неосѹждени бѹдете се сѹди прѣдь дварьми стоить
Притьчѹ примите братие моѣ страстьтрьпѣнию пррокь же гла҇ше именемь Г҇немь се блажимь трьпеще е
Трьпѣние новово слышасте и коньчинѹ Г҇нѹ видисте ѣко прѣмилостивь єсть и щедрь
Прѣжде вьсего братие моѣ некльнитесе
Ни Б҇омь ни землею ни иною етерою клетвою
Нь да бꙋдеть слово ваше еже и еи еи и еже нии нии давьосѹждение невьпадете
Аще кто страждеть вьвась да молитвѹ дѣеть добро дш҇ьствѹеть и да поеть
Аще болить кто вьвась да призоветь поп҇и ц҇рьквьние да молитвѹ твореть надьньмь
помазавьшеи олѣемь вьиме Г҇не и молитва вѣрьна сьп҇сеть болещаго исцѣлить Г҇ь
Аще и грѣхи бѹдеть створиль ѿдадетьсе ємѹ
Исповѣдаите же себѣ грѣхи и молитвѹ дѣите дрѹгь за дрѹга
ѣко да исцѣлиеть многово можеть молитва праведьнаго поспѣшьствѹеющисе
Илиѣ бѣ члв҃кь подобьнь и врѣдьнь намь и молитвою помолисе небыти дьждѹ
И не бѣ дьжда поземли три лѣта и мс҇ць и паки помолисе небо дьждь дасть и земла прозебе и плодь створи
Братиѣ аще кто заблѹдить вьвась ѿ ист҇ини и ѡбратить кто давѣсте
ѣко обращаеи и грѣшьника ѿ заблѹжденаго пѹти єго
сп҇сеть дш҇ѹ єго ѿ смрьти и покриеть множьство грѣховь своихь
Ѿврьгьше всакѹ злобѹ и всакѹ льсть и лицемириѣ завиды и все клевети ́
ѣко и новорожденни младьници сьмыслоное и нескврьное млѣко вьзлѹбисте ́
да о немь же вьзрастете вьспьсние понеже вькѹсисте
ѣко благ҃ь Г҇ь ́ к немѹ же приходеще камение живѹ ѿ чл҃вкь
ꙋбо неклѹчимованомѹ ѿ Б҇а же избранѹ
и вы ѣко камение живо зиждите се Храмь дх҃овьние жрьтви приєтьни Б҇ви ИсХ҇омь
Зане писано єсть вькнигахь ́ се полагаю вьсионѣ камень чьстьнь
и всаки вѣрѹеи на҃нь непостидитьсе ́ вамь ѹбо чьсть вѣрѹющимь
а противищемьсе камень єго же неврѣдѹ створише зиждѹще и
Си бс҇ы вьглавѹ ꙋглѹ камень притаканию и камень сьблазни ́
о немь же притикаютьсе противещесе словеси о немь же положени быше ́
вы же родь ц҇рьски арьтема єзыкь ст҃ь лѹдие обновлениѣ
ѣко да добрѣими дѣании исповѣдаете призвание ваше ѿ тьми вьдивьни єго свѣть
Сѹще иногда нелѹдие нн҃ѣ же иногда непомиловани ́ нн҃ѣ же помиловани
Вьзлѹблени мо҃лѹ вы ѣко пришьльце и странники
огрѣватисе ѿ пльтскихь похоти єжє воюють на дш҃ѹ
Житие доброе имѹще вьєзыцѣхь да о немь же хѹлеть вы ѣко злодѣие
Ѿ добрихь дѣлѣхь видѣвьше и прославите Б҇а вьд҃нь посѣщениѣ
Повинитесе всакомѹ чл҃вкꙋ сьзданию Г҇а ради
Аще цр҃ѹ ѣко прѣобладающѹ ́
аще ли кнєземь ѣко имь слєми вьмьсть злодѣом ́
вьхвалѹ же добро дѣомь ѣко тако єсть вола Бж҇иѣ
Добро творєще обѹздавають безѹмьныхь члвкь невѣждьствие
ѣко свободьни и не ѣко прикривение имѹще злобѣ вьсвободѹ ́
нь ѣко раби Б҇жи вс҃є чь́стите Б҇а боитесе ц҇рє чьстите
Раби повинѹюще о всемь сьбоѣзьнию год҃омь своимь ́
нетьчью благимь нь и смотрьлимь и злимь ́ се бо єсть вола благости єго ́
аще свѣсти ради Бж҇ие ради трьпит кто скрьби страждеть безьправде
Ка єсть похвала аще сьгрѣшающе и мѹчими трьпеть ́
Нь аще добро твореще страждѹще трьпите ́
се бо єсть блг҃дть ѿ Б҇а на се бо звани бисте ѣко о Х҇ѣ ́
Ѹмрѣть за ны ́ вамь оставль образь да послѣдьствѹете стопамь єго ́
иже грѣха нествори и необрѣтесе льсть вьѹстѣхь єго ́
иже оклеветань сьнеоклеветаваше приемле мѹкѹ
непрѣщаше прѣдаѣше сѹдещꙋмѹ ꙋправдѹ
иже грѣхи наше самь вьзьнесе на тѣлѣ свомь на дрѣво ́
Да греха изьбывьше правдою поживемь єго же ѣзвою исцѣлисте
Бѣсте бо ѣко овьце блѹдеще
Нь обратитесе нн҃ѣ кь пастирѹ и єпискѹпѹ дш҃ь вашихь
Такожде и жены повинѹеитесе мѹжемь своимь ́
да иже проивитьсе словѹ житиемь женьскимь бл҃овесе плѣнени бѹдѹть ́
Видѣвьше еже сьстрахомь житие ваше
Имьже дасть невьнѣшьне плетение влась ́
Нь таины срд҃ца члв҃кь вьнеистлѣниє кротькаго и мльчеливаго д҃ха
єжє єсть прѣдь Б҇мь многоцѣньно ́ тако бо иногда ст҃ие жени ꙋпьвающе на Б҇а
ꙋкрашахꙋсе повинѹющесе мѹжемь своимь
Ѣкоже и сарра послѹшаще аврама гд҇ємь зовѹщи и ́
Єю же быше чеда добро творєще и не боєщесе ни єдинаго страха ́
Мѹжи є такожде сьсвоими женами живѹще ́
ѣко немощьнѣиши чести женьсцѣ вьздающе чьсть ́
ѣко сѹще и вькѹпѣ рал҃чьнѣи блд҇гти
Наслѣдьници жизни ́ и непрѣкращисе мли҃тва вашимь ́
коньчина же вс҃и єдиномольсци ѿтьдатиливи братолѹбци милосрд҇ци покориви ́
невьздающе зла за зло и клевети за клеветѹ вьспєть бл҃гсловєще є ́
вѣдѹще ѣко на сє звани бысте да бл҃гсловление наслѣдите
Хотэи бо животь лѹбити видити дн҃ь добрь да ѹдерьжить єзыкь свои ѿ зла
истворить добро да вьзищеть мира и поженеть и ́
Зане очи гн҃и на праведьние и ѹши єго вь молитвѹ ихь ́
лицє же гн҃е на треще злаѣ ́
Кто вьзлѹбить вы ́ аще благомѹ рьвнителе бѹдете ́
Нь аще страждете правьды ради блажении ́
страха же ихь неѹбоитесе ́ ниже сьблазнитесе
Г҇а же Б҇а ст҃ите вьсрьцѣхь вашихь ́
Готови же присно кьѿвѣтѹ всакомѹ ꙋпрашающѹмѹ вы
словеси о вашемь ꙋпьвании ськртостию и боѣзнию ́ свѣсть имѹще благѹ ́
Да о немь же оклеветають вы ѣко злодѣе ́
постидетьсе хѹлещеи вашє благ҃ое о Х҇ѣ житие
Добро єсть благое творєще
Аще хощете вола Бж҇иѣ мѹкѹ приєть ́
праведьникь за не праведьники ́
Да приведеть вы Б҇гови ꙋмрьщєнь бывь пльтию ́ оживе же дх҃омь ́
Вьтьмьницѹ сьшдь проповѣдѣ проѣвльшимьсе тогда ́
Єгда жьдаашє дльго трьпѣнию Б҇жию вьдни ноєви дѣла ємѹ ковьчегь ́
вьнемь же мало сирѣчь осамь д҃шь спс҃ено бысть ѿ води ́
Єю же ин҃нѣ заобразѹе и нас спасаеть кр҃щениемь
непльтьскые скврьни ѿмѣтаниемь нь свѣсти бл҃зѣ вьпрошение ѹ Б҇а вьскрѣшениемь ИсХ҇вомь
єже єсть ѡдеснѹю Б҇а вьшєдь на неб҃о покорьшимьсе ємѹ агг҃ломь и силамь
Х҇ѹ ꙋбо мѹкѹ приемлющѹ за ны пльтию
и вы вьтѹж҃е мысль вьѡрѹжитесе
ѣко мѹчени пльтию прѣстанете ѿ грѣхь
Ктомѹ не вьчл҃овѣчьскые похоти
Нь вьволю Б҇жию прочеє лѣто жити
вьпльоти довлѣєть бо вамь минѹвшеє лѣто житиѣ волє поганьскыє творити ́
хождьшеє вьнечистотѣ скотожитиємь ́
вьпохоти ́ вьпомыслѣхь ́ вьпианствѣхь ́ вькозлогл҃сованихь и играхь и вьпирѣхь
вьмѹжеложьствѣ и грѣсѣхь вьнелѣпыхь
кѹмирьства слѹженыхь ѡ немже диветсе несходещемсе вамь вьсь брание ихь
тѣмь же блѹдомь хѹлеще иже вьздадеть слово имѹщѹмѹ
готово сѹдити живимь и мртьтвымь на се бо и мрьтвымь бл҃говѣщено бысть
да сѹдь ѹбо примѹть почл҃комь пльтию
поживѹть же Бж҇ьскы дх҃омь всѣмже кончина приближисе
Ѻчиститесе ѹбо истрѣзьвитесе вьмл҃твахь
прѣжде всего же любовь имѣите всегда вьсебѣ
Зане любы покрваєть множьство грѣховь
Страннолюбьцы вьсебѣ безьрьпта кьждо ѣкоже дарь приєть ́
сами вьсебѣ слѹжеще ѣко добры приставници различнѣ и бл҃годѣти Бж҇ии
Аще кто гл҃еть ѣко словеса Бж҃иѧ
Аще кто слѹжить ѣко ѿ силы юже даєть Б҇ь
Да ѡ всемь прославлаєтсе Б҇ь И҇сХ҇мь ємѹже
Слава и дрьжава вьвѣкы вѣкома амнь
Вьзлюблєни недивчтесе раждежению бывающѹмѹ вьвась: к напасти
ѣко тѹждѹ вамь ключещѹсе нь ѣкоже причещаєтсе Х҇вахь мѹкахь ́
радѹитесе да и вьѣвлєние славы єго вьзрадѹетесе веселещесе
ѣко оно сеть вамь о имени И҇сХ҇вѣ тѣмьже бла҃жены ѣсте
ѣко слава и Б҇жи д҇хь почиєть на вась ѡ нѣмь и хѹлитсе а вами прославєтсе
Да не кто ѹбо ѿ вась мѹкѹ приємлєть
ѣко ѹбиица или ѣко тать или ѣко злодѣи или ѣко тѹждьє п҇пь
Аще ли ѣко хрс҇тиѣнинь да не стыдитсе да прославлѣєть же Б҇а вьсию честь
ѣко врѣме начети сѹдь ѿ храма Б҇жиѣ
аще ли прѣжде ѿ вась како кончина противещимсе Єуг҇лию Бжию
аще бо праведникь єдва сп҇сетсе ́ нечтивы и грѣшны гдѣ ѣвитсе
Тѣмь же и страждѹщеи по воли Б҇жии
Ѣко вѣрьнѹ зиждителю да прѣдадеть д҇ше своє вьбл҃годѣании
Симонь петрь рабь и апс҇ль І҇сХс҇вь
ключьшимсе вьравно чс҇тьнѹю вѣрѹ с нами ́
правдою Б҇а нашего и сп҇са І҇сХс҇а
Блгд҇ть вамь и мирь да ѹмножитсе
вьразѹмь Б҇жии Г҇а нашего І҇сХс҇а
Ѣко вса намь Б҇жиє силы єго
ѣже кьживотѹ и блг҃овѣрию подана разѹмомь
призвавшѹмѹ вы славою изволениємь своимь ́
имже намь чс҇тьнаѣ и великаѣ ѡбѣтованиѣ подана быше
Да сихь ради бѹдѣте Б҇жию редѹ причестьници ́
Ѿбѣгше мирьскихь похоти скврьнныхь и сами се жде
истоє тьщаниє вьсебѣ принесьше ́ подадите вьвѣрѣ вашеи добродѣєниє
а вьдобродѣєни разѹмь ́ а вьразѹмѣ трѣзвѣниє а вьтрѣзвѣни трьпѣниє ́
а вьтрьпѣни бл҃говѣри братолюбиє ́ а вьбратолюбии любовь
Сѹщимь бо симь вьвась и множещимсе
Не празд҃ни ни бесплода бѹдете вьразѹмѣ Г҇а нашего І҇сХс҇а ́
ємѹ же бо нѣсть сихь слѣпь єсть м҃же забвениє
приємь ѡцѣщениѣ дрѣвьнихь своихь грѣхь
Тѣмже паче братиє потьщитесе да добрыими дѣлы своими
извѣстьно званиє ваше и избраниє творите
се бо твореще не сьгрѣшите николиже
Тако бо и ѡбилно подасть се вамь
вьходь вьвѣчноє црс҇тво Г҇а нашего сп҇са И҇сХ҇са
тѣмже нелѣнюсе прс҇но вамь вьспоминати ѡ сихь ́
аще и вѣдѹще ѹтврьждени єстє вьнастоѣщи истинѣ
Праведно же мню понєже єсмь вьсемь телеси ѹбѹждати вы вьспоминаниємь
вѣдыи ѣко вьскорѣєс҇ прѣставьлєниє тѣлѹ моємѹ
ѣкоже и Г҇ь нашь И҇сХ҇ь ѣви мнѣ
Потьщѹ же се и всегда имѣти вась по ѡшьстви моємь ́
паметь сихь творети ́ нельжимь бо баснемь послѣдовавше
сказахомь вамь Г҇а нашего И҇сХ҇са силѹ и пришьствиє
нь самовидьци бывше величьствию єго
Приємь бо ѿ Б҇а Ѿца чьсть и славѹ ́
гласѹ же пришдьшѹ таковомѹ ѿ вельлѣпныє славы
се єсть С҇нь мои вьзлюблєны ѡ нємже азь бл҃го изьволихь
и сьь глс҇а мы слышахомь с н҃бсь пришдьшь снимь сѹще вьгорѣстѣи
Имамы извѣстьнѣє прр҃очьскоє слово
єже добрѣ творите вьнимающе ѣко свѣтилѹ сиѣющѹ вьтьмнѣ мѣстѣ
доидѣ же дн҃ь ѡзарить и дн҃ьница вьсиѣєть вьсрдцихь ваши
Се прѣжде вѣдѹще ѣко всако пр҃рочьство книжноє посвоємѹ сказанию не бываєть нѣсть бо волєю члв҃чьскою николиже было пр҃рчьство ́
нь ѿ ст҇аго дх҃а водыми гл҃аше ст҃ы Бж҇ии чл҃ци ́
Си ꙋбо вьзлѹблени вьторие книги пишѹ вамь ́
вьнеже ꙋбꙋждаю вы вьспоминаниемь
чистое сьмышление поменѹти
прѣжде речени гл҃ы ст҃ими прор҃ки и заповѣди Г҇а сьп҇са
кь аплс҇омь вашимь се прѣжде разѹмѣюще
ѣко придѹть вьпослѣдьнєє дн҃и рѹгателе ́
по своимь похотемь ходєще нечьстиемь гл҃юще
кьдѣ єсть обѣтование пришьствиѣ єго ́
ѿнели же бо ѿц҃и почише все тако прѣбываєть искони сьзданию ́
Потаѣють бо се сами хоще ́
ѣко нб҃са быше испрьва и земла ѿ води ́
и водою стоєще Б҇жиемь словомь ́
Имь же тогда нишьни мирь водою потоплень бывь погибе
А нн҃ѣшьнаѣ не҃беса и земла тѣмьже словомь сьхранени сѹть
и огнемь блѹдоми вьд҃нь сѹдьни и погибѣль нечьствимь члв҃комь ́
Ни єдиное же се да не ꙋтаитьсе вьмь вьзлѹблени
ѣко єдинь дн҃ь гн҃ь ѣко ти сѹща лѣть и ти сѹща лѣть ѣко дн҃ь єдинь
Неопоздить Г҇ь обѣтованиѣ своего ́
ѣкоже єтери закьснѣние мьнєть ́
нь много трьпить о нась ́ не хотє да єтери погибнѹть ́
нь да вси вьпокаѣние вьмѣстетьсе
Придеть же дн҃ь Г҇нь ѣко тать вьнощи
вьньже нб҃са жегома мимо идѹть
сьстави же горѹще растаетьсе и земла и дѣлаѣ на нѣи сьгоретьсе ́
Сихь же всѣхь чающе кацѣмь достоить быти
намь вьс҃тѣ жити и вьблазѣ вѣри тьщещесе и чающе пришьствиѣ Б҇жиѣ дн҃е
Єго же ради нб҃са растаютьсе жегома
и стѹхиѣ горꙋщи новихь же нб҃сь и новы земле
Пообѣтованию єго чаемь вьнихь же правда живеть
Тѣмь же вьзлѹблени сихь чающе потщитесе
нескрьвнини и непорочьни обрѣстисе прѣдь нимь вскорѣ ́
Вьмирѣ Г҇а нашего дльго трьпѣние мните
ѣкоже вьзлюблени брать нашь павль
поданѣи ємꙋ прѣмѹдрости написа вамь вьсѣхь своихь книгахь ́
гл҃е вьнихь же о сихь ́ вьнихь же сꙋть етера неꙋдобь разѹмьна ́
ѣже ненаꙋчена и неꙋтврьждени развращають
ѣко и прочее книги кьсвоеи имь погибѣли ́
вы же вьзлѹбленаѣ братиѣ прѣжде разѹмѣюще храните се
да не вьласть безаконьни сними шьдше
ѿпадете своего ꙋтврьждениѣ
растѣте вьблгд҃ати и вьразѹмь Г҇а нашего ИсХ҇а ́
Томѹ слава и нн҃ѣ и вьдн҃и вѣка амнь
Павьль апостоль не ѿ человѣкь ни кь человѣкомь
нь Исусомь Христомь Богомь Отцемь вьскрьсшимь изь мрьтвихь:
и вса братиѣ ѣже сьмьною церьквамь галатьскимь:
Благодать вамь и мирь от Бога Отца Господа нашего Исуса Христа:
давьшаго себе на грѣсѣхь нашихь:
ѣко да избавить ны ѿ настоещиго вѣка лукавьна
по хотѣнию Бога и Ѿца нашего
емоуже слава увѣки вѣкомь аминь.
Чоуждоусе ѣко тако скоро прилагаете се ѿ звавьшаго вы
благодатью Исусь Христовою вь ино Євангелие єже нЪсть ино
аще єтери суть смущающеи вы: и хотеть прѣвратити Євангелие Христово
нь аще или мы или ангель сьнебесе благовѣстить вамь
паче єже благовѣститохомь вамь: проклеть да будеть:
ѣкоже прѣжде рехомь: и нынѣ паки глаголоу: иже вамь благовѣстить:
паче єже благовѣстихомь вамь: анафема да будеть:
нынѣ бо человеки прѣпираю или Бога: или ищоу человекомь угождати
аще бо єдиначе бимь человекомь угождаль Христу раб небимь быль
Сказаю же вамь братие: Євангелие благовещеное от мене:
ѣко нѣсть по человекоу ни бо азь от человекь приесь є:
ни научи се: нь ѣвлениемь Исусь Христовомь:
слышасте бо мое житие иногда: во жидовьствѣ
ѣко попрѣмногоу гонахь церковь Божию и раздроушахь ю:
и прѣспѣвахь вь жидовьстве паче многь прємь моихь:
во родѣ моемь: излиха рьвьнитель сы очимьми прѣданиемь:
єгдаже благоволи Богь: избави мє ис чрѣва матерьна ми:
и вьзвавыи благодѣтию Своеию: ѣвити Сына своего вь мнѣ:
да благовѣщу и вьєзыцѣхь: абие непрѣвьзложихь пльти и крьви:
ни вьзидь вь Єрусалимь кьпрѣдьнимь мене апостоломь:
нь идь вьравию: и паки вьзвратихь се вьдамакь
Потомь же по трехь лѣтѣхь вьзидь вь Єрусалимь
сьгледати и петра: и прѣбыхь унего дни єi
Иного же ѿ апостоль невидѣхь: тькьмо Иѣкова брата Господня.
А єже пишоу вамь се прѣдь Богом ѣко нельжоу:
Потомь же придь вь климата сурию: икиликию:
бѣхоу же не знаемь лицемь июдѣискамь єже ѽ Христъ:
тьчию слышеще бѣше: ѣко гонеи вась иногда.
Нынѣ благо вѣщаю вамь вѣроу юже иногда раздроушахь:
И славлахоу ѡ мнѣ Бога:
И славлахоу ѡ мнѣ Бога: по четырехь на десєте лѣтѣхь
потомь паки возидь вь Иерусалимь сь Варьнавою: и поимь сьсобою Тита:
вьзидь же поѣвлению: вьзложихь имь Євангелие:
єже проповѣдахь вьєзыцехь.
Єдинимь же мьнещемь: єда како вьтьще текоу или техь:
Нь и тить се и сьмьною: єлинь ноуждень бысть обрѣзатисе:
Запрѣшьдьше льже братие: иже прѣвьниду сьгледати своди наше:
юже имамь ѽ Христѣ Исусѣ
да нипоработеть им же ни вьчась повинихомьсе вьпокорение:
да истина Євангелие прѣбудеть вьвась:
Ѿ мьнещихь же се быти что ѣко ви иногда быше:
ничтоже мьне разьньствуеть и лица Богь нынъ человекоу необиноутьсе:
мне бо мьнещеи се ничесоже приложише нь отврьнь видѣвьше:
ѣко вѣрѣно ми єсть Євангелие: акровьствиѣ
ѣко же Петрови: перитомии:
поспѣшьствова вы бо петрови вь апостольство обрѣзаниѣ
поспѣшьствоваи мнѣ вь єзыки и разоумѣвьше благодать даноую ми:
Иъковь и Кифа: Иоань: мьнещеи се стльпи быти:
Деснаѣ даше мнѣ: и Варьнавѣ обьщьниѣ давъ вьезыки:
ониже тьчию да нищее посѣтивѣ: єже потьщаховѣ се истое створити:
Єгдаже приде Петрь вь аньтиохию: налици емоу противу стахь
ѣко зазорьньми бѣ прѣжде бо даже непридоу єтери от Иѣкова: сьєзыки ѣдѣше
єгда же прииду вьздрьжасе и отлоучашесе: но соблашесе бо се сущихь от обрѣзаниѣ:
и лицемѣрьствоваше се сними прочи июдѣи:
ѣко Варьнавѣ пристати лицемѣрию ихь:
но єгда видѣхь ѣко неправоходеть кь истини Євангелиѣ:
рехь кь Кифѣ предьвсѣми:
аще ты июдѣи сьи езычьски а не июдѣски живеши:
како єзыки вѣдиши июдѣистововати:
мы родомь июдѣи: а не от єзыкь грѣшьници:.
Видѣвьше же ѣко не оправьдаетьсе человекь от дѣл закона:
аще не вѣрою Исусь Христовою: и ми вь Исуса Христа вѣровахомь:
да оправьдимьсе ѿ вѣри Исусь Христови а не от дѣль закона:
ѣко ѿ дѣл законьнихь: не оправьдисе всака пльть:
Аще ли ищоущеи: оправьдитисе ѡ Христѣ: обрѣтомьсе имы грѣшьници:
убо Христось ли грѣхоу служитель: да не будеть:
аще ѣже разорихь си паки сьзидаю: прѣстоупьника себе сьставлаю:
азь бо законови законьно умрѣхь: Да Богови живь будоу:
сь Христомь расьпеть єсмь:
не живу юже азь живеть же вьмнѣ Христось:
а єже нынѣ живоу вьпльти вѣрою живоу Сына Божиѣ
вьзлоубльшаго ны и прѣдавьшаго себє понась:
не отмѣтаюсе благодати Божиє
аще бо закономь правьда: то Христось туне умрѣть:
нѣсть июдѣи ни єлинь: нѣсть рабь ни свободь:
нѣсть мужьскь поль ни жьньскь:
вси бо вы єдьно єсте ѽ Христѣ Исусѣ:
аще ли вы Христовы убо аврамле сѣме єсте:
по обѣтованию наслѣдници. к.
Глаголоу же вамь вьнеколикоже лѣть наслѣдьникь младь єсть:
ничимь же луччиши єсть раба Господь
в сѣмь сы: подь учители єсть: донарока Отча
тако мы єгда бѣхомь мира сего порабощени:
єгда же приде коньчина лѣтомь
посла Богь Сына своего єдиного чедаго
раждающаго се ѿ жени бывающаго подьзакономь:
да подьзаконие искупить:
да восынение примемь: да ѣкоже єсте сынове:
посла Богь Дух Сына своего вь сердца наша:
Авва Отець тѣмьже юже нѣси рабь нь сынь
аще ли сынь то и наслѣдьникь Божи IисусХристомь: к.
Нь тогда не вѣдуще Бога: слоужите несущимь вещию богом:
Нынѣ разоумѣвьше Бога пачеже познавьше се от Бога:
како вьзвращаете се: паки на немощьние излыстоухие:
имьже паки сьвыше слоужити хощете:
Дни ли сумьнитесе или месяць и времень и лъть:
Боюсе ѡ вась: Єда како вь тьще троудихь се вьвас:
буди те ѣкоже назь зане азь ѣкоже и вы:
братие молоусе вамь: ничимь же обидѣсте мене:
вѣсте же ѣко занемощь пльти: благовѣстихь прьвѣе вамь:
и напастиею моею: ѣко же вьпльти моеи неуничьжисте ни отплоуноусте
нь ѣко ангела Божиѣ приєсте ме: и ѣко Христа Исуса:
Кьде убо блажьньство ваше: свѣдетельствую бо вамь:
ѣко аще вьзможьно очеса ваша изврьтѣвьше дали бисте ми:
тѣмьже врагь вамь быхь: занеже истиноу вамь глаголоу:
завидеть вамь недобрѣ: не церкви вась хотеть: да вы им рьвьноуете:
добро єсть рьвьновати вь доброе всегда:
и нетьчию приходити ми кь вамь: чедьца моѣ
ѣже паки рождоу доидѣже вьобразитьсе Христось вь вась:
Хотѣхь же прити кь вамь нынѣ:
измѣнити глась мои ѣко недомышлоу се убо ѡ вась.
Глаголете ми хотещеи подьзакономь быти:
закона ли неслышите
писано бо єсть ѣко аврамь имѣ два сына:
єдиного от рабыне: а дроугаго от свободьние:
єже єста иносказаема си бо єста два завѣта:
єдинь убо от гори синаиские: вь работоу раждаетьсе: єже єсть агарь:
агарь бо єсть синаѣ гора уравии:
прилагаетьсе нынѣшьнемь Єрусалимъ си работаеть сьчеди своими:
а вышьни Ерусалимь: свободь єсть:
єже єсть мати всѣмь намь
писано бо єсть: Вьзвеселисе неплоды: нераждающиѣ:
растрьгни и вьзупи и неболивьшиѣ:
ѣко многа чеда пусти паче нежели имущи мужа:
мы же братие по исаковоу обътованию чедцы єсмы:
но ѣко же тогда рождеисе по пльти гонаше духовьнаго: тако иныѣ
нь что книги глоголоуть: иждени рабу и сына єѣ.
неможеть наслѣдовати. сынь рабынинь сьсыномь свободьние:
темьже братие нѣсмы чеда рабиниа: нь чеда свободьние:
свободою бо нась Христось свободи:
стоите и не паки: подьигомь работи дрьжите се: к :
Се же азь Павль глаголоу вамь: ѣко аще обрѣзаете се:
Христось вамь нивькою же пользоу єсть:
свидѣтельствоую же паки всакомоу человекоу:
обръзающоумоу се ѣко дольжьнь єсть всь законь створити::
оупразни же се от креста:
иже закономь оправьдаетьсе: ѿ ть благодати отпадеть:
мы бо Духомь ѿ вѣри надьжду правьды чаемь:
Ѽ Христѣ бо Исусѣ: ни обрѣзание что можеть ни акроствиѣ:
нь вѣра лубьвью поспѣвающисе течаше та добрѣ:
кто вамь вьзбрани истинѣ непокоритисе:
прѣпрѣние: не отзовущего вы:
маль квась все умѣшение квасить:
азь надѣюсе о вась ѽ Господи
ѣко ничесоже инога мысли те смущаеи вы
да понесеть грѣхь иже аще єсть
азь же братие аще ѡбрѣзаете се: проповѣданию:
что же єдиначе гоними єсмы: убо прѣста скань дель крѣстьние:
аще ида се дрьгнеть се разьвращающе вы:
вы бо насвободоу звани бисте братие:
тьчию да не свобода ваша вьвиноу пльти:
нь лоубьвыю служите дроугь дроугоу:
всь бо законь вьєдьномь словеси сконьчаваетьсе:
вьзлоубиши искрьненаго своего ѣко самь се:
аще ли сами себе гризете и снѣдаете:
блудите се да не дроугь от друга потрѣблень будеть::
Глаголоу же вамь Духомь ходите:
и похоти пльтьские несьврьшаите:
пльть бо похотьствоуеть на Доухь а Доухь на пльть:
сиѣ же себѣ противьстасе:
да не ѣже аще хощета си творита:
аще ли Доухомь водими єсте: нѣсте подьзакономь:
ѣвѣ же суть дѣаниѣ пльтьскаѣ: ѣже соуть лубодѣаниѣ:
и прълубодѣаниѣ нечистота: стоудоложьствие идолотрѣбьно:
прокажениѣ вражди рьвениѣ зависти ѣрости: раздражение:
распре єреси: ненависти: оубиства: пиѣньства: кь злогласованиѣ:
ина подбна симь: ѣже пророчьствую вамь и прорѣхь:
ѣко иже творить таковаѣ: Царьствиѣ Божиѣ ненаслѣдеть:
А плодь Духовьни єсть луби: радость: мирь трьпѣние:
натаковихь несть закона:
ѽ виже Христа Исуса пльтию распеше: страстьми и похотьми: к :
6
Братие аще прѣжде вьпадеть человекь вьєтеро прѣгрѣшение
вы духовьни сьврьшаите таковаго: Доухомь кростию:
блоуди себе єда и ти искушень будеши
другь друга теготоу носите и тако сканьчаете законь Христомь:к:
Аще бо мнитьсе кто быти что:
ничтоже се єсть: умомь льстить себе:
дѣло же свое: да искушаеть кьждо:
и тогда у себѣ тьчию да имать похваление:
а не кьдругоу: кьждо бо свое брѣме понесеть:
да обьщаетьже се учеи се словеси учещумоу: о всѣхь благихь:
Нельстите се Б҇ь подражаемь небываеть
єже бо аще вьсѣеть человекь тожде и пожьнеть
ѣко вьсѣавы вьпльтьска ѿ пльти пожнеть истлѣние
а вьсѣвы вь дх҇ь ѿ дх҇а пожьнеть животь вѣчьни
добро єже дѣюще нестѹжаи те си вьврѣме бо свое
и пожьнемь ослаблающе
тѣмь же ꙋбо даже врѣме имамь
да дѣлаемь благое кьвсѣмь паче же кь приснимь вѣри:
видѣте колицѣми книгами писахь вамь моею рукою
Єлико хотеть благоличити се вьпльти си бѣдеть вы обрѣзати се:
тьчию да не Доухомь Христовомь гонеть се:
ни обрѣзающе ибо се сами закона хранеть:
нь хотеть вы обобрѣзати: да оваши и плѣти похвалеть се:
мне же да небудеть хвалети се тьчию ѽ Христѣ
Господа нашего Исусь Христа
имь же мне мирь распетьсе и азь мирови.
Ѽ Христѣ бо Исусѣ ни обрѣзание что можеть и ни акроствиѣ: нь нова тварь:
Єлико каноунѣ се приложить се мирь нанихь: и милость Божиѣ на земли:
проче єже троудь да никтожде даеть ми:
азь бо ѣзвы Господа Исуса на тѣлѣ моемь ношоу
Благодать Господа нашего Исусь Христа сь духомь вашимь аминь.
Павьль званы апостоль Исусь Христовь волею Божиею
состень ть брать церквие Божие: соущее вькорьньтѣ:
свєщенимь ѽ Христѣ Исусѣ званими свѣтыми всѣми:
Призывающими име Господа наше Исуса Христа:
Вьвсѣкомь мѣстѣ тѣмьже и намь
Благодать вамь и мирь ѿ Бога Отца нашего Исуса Христа:
Хвалоу Бога моего всегда ѡ вась:
ѡ благодати Божи: дани вамь ѽ Христѣ Исусѣ:
ѣко вьсьдѣ обогатитесе ѡ немь: и вьсацѣмь разоумомь:
ѣкоже таина Божиѣ вьзвѣстисе ѡ вась
ѣко вамь не лишитисе ни єдинаго дарованиѣ:
Чающимь ѣвлениѣ Господа нашего Исуса Христа:
Иже извѣстить вы до коньца:
неповинни вьдень Господа нашего Исуса Христа:
Вѣрьнь Богь имь же звани бысте:
вьобьщение Сына єго Господа нашего Исуса Христа:
Молоу же вы братие моѣ именемь Господа нашего Исуса Христа:
Да тожде глаголете вси: да нѣсоуть распре вьвась:
Да єсте же сьврьшени вь тождеи мысли: и вьтождеи воли:
Нарикова бо ми се братие моѣ ѡ вась ѿ приставникь:
ѣко рьвениѣ соуть вьвась: глаголоу же ѣко кьждо вась глаголеть:
Азь убо єсмь павловь азь же аполошь:
азь же кифинь: азь же Христовь
єда разьдѣлисе Христось: єда ли павьль распєть бысть по вась:
Или вьме павле крьстистесе: хвалоу Бога моего
ѣко ни єдиного вась крьстихь:
Тьчию криспа и гаиѣ: да не кто речеть ѣко вьиме мое крьстистесе:
Кристихь же стѣфаниновь домь: ктомоу не вѣдѣ аще кого кристихь:
непосла бо мене Богь крьстити: нь благовѣстити:
Невьпрѣмоудрости словесноую да непразьнитьсе крьсть Христовь:
Слово бо крьстное гиблоущимь оуродьство єсть:
Спасающимьсе намь сила Божиѣ єсть:
Писано бо єсть погоублоу прѣмоудрихь прѣмоудрость:
И разоумь разоумьнихь отврьгоу
Кьдѣ прѣмоудри братие моѣ: кьдѣ книгочие:
Кьдѣ сьоупросиникь вѣка сего:
не ѡ боуи ли Богь прѣмоудрости мира сего:
Понеже бо вьпрѣмоудрости Божи неразоумѣ мирь
прѣмоудростию Бога
Благоволи Богь боуиствомь проповѣдае и: спасти вѣроующе:
Понеже июдѣие знамениѣ просеть: а єлины прѣмоудрости ищоуть:
Мы же проповѣдаемь Христа распетаго:
июдѣомь убо сблазнь: єзыкомь же безоумие:
самимь же зьванимь июдѣомь же и єлиномь Христа:
Божию силоу и Божию прѣмоудрость:к:
Зане боуее Богоу прѣмоудрие человекь єсть
Видите зьвание ваше братие: ѣко немнози ли прѣмоудри попльти:
Немнози сильни: немнози ли благородьни:
Нь боуѣ мира избра Богь: да посрамить прѣмоудраѣ:
И немощьна мира избра Богь: да крѣпькаѣ посрамить:
Безьродьна мира избра Богь: и оукорена мира избра Богь
И несоущаѣ да соущаѣ оупразнить:
ѣко да не похвалитьсе всака пльть прѣдь Богомь:к:
Истого же вы єсте ѽ Христѣ Исусѣ:
и же бысть намь прѣмоудрость ѿ Бога:
Правьда же истьба избавление: да ѣко же єсть писано:
Хвалеисе ѡ Господи да хвалитьсе:
И азь пришдь кьвамь братие моѣ: приде не попрѣодрѣжимомоу словеси:
Или прѣмоудрсти вьзвѣщаю вамь таиноу Божию:
Не соудихь бо чесо видити вьвась: тьчию Исуса Христа сего распетаго:к:
И азь вьнемощи и страсѣ: и трепетѣ мнози бихь кьвамь:
И слово мое и проповѣдь моѣ: не по пръмоудрости человесцѣ словомь:
Нь вьпритьчи доуха и сили: да вѣра ваша небоудеть вьпрѣмоудрости
человечсцѣ нь вьсилѣ Божи:
Прѣмоудрость же глаголемь вьсьврьшенихь:
Прѣмоудрость же не вѣка сего: ни кнеземь вѣка сего пристающихь:
Нь глаголемь Божию прѣмоудрость вьтаиноу скрьвѣноую:
Юже прьво нарече Богь вьславоу нашоу: прѣжде вѣкь:
Єже ѿ кнезь никто же мира сего неразоумѣ:
Аще бо бише разоумѣли небише Господа слави распели:
нь ѣкоже єсть писано:
Єго же око невидѣ ни оухо слыша: и на сердце человекоу невьзиде:
єже уготова Богь лоубещимь єго:
Намь же откри Богь лоубещимь єго:
Доухь бо всего ищеть и гльбини Божие:
Кто бо вѣсть ѿ человекь ѣже вьчеловеци:
тьчию доухь человека иже вьнемь прибываеть:
Тако же и божествьныхь никто же неразоумѣ:
тьчию Доухь Божии:
Мы же не сего мира доухь приєсмо:
Нь доухь иже ѿ Бога да видимь дарованиѣ намь ѣже ѿ Бога:
ѣже и глаголемь невьоученихь человеческие прѣмоудрости словесехь:
Нь вьоученихь ѿ Доуха Свѣта: доуховьнихь доуховьнаѣ прилагающе:
Доушевьни же человекь неприемлеть: ѣже ѿ Божиѣ Доуха:
ОУродьство бо ємоу єсть: и не можеть разоумѣти:
ѣко доушевьнь єсть и невьстезаеть се:
А доуховьни вьстезаеть се ѿ всего:
ѣко доуховьнь єсть:
Ать ни ѿ єдиного вьстезаеть се
Кто бо разоумѣ умь Господень: иже наставить
мы же умь Христовь имамь:
