Всенародная Соборная молитва по соглашению ко Господу Вседержителю против врагов Христовых

Икона собора новомучеников и исповедников российских.

ВСЕНАРОДНАЯ СОБОРНАЯ МОЛИТВА (ознакомьтесь и присоединяйтесь!!!)

Всенародная Соборная молитва по соглашению ко Господу Вседержителю против врагов Христовых и растлителей народа нашего (в 22.00 по Московскому времени)

Господи, Иисусе Христе, Сыне Божий, Ты бо рекл еси пречистыми усты Твоими: Аминь глаголю вам, яко аще два от вас совещаета на земли о всякой вещи, еяже аще просита, будет има от Отца Моего, Иже на небесех. Идеже бо еста два и трие собрании во Имя Мое, ту есть посреде их. Непреложны словеса Твоя. Господи, милосердие Твое безприкладно и человеколюбию Твоему несть конца. Сего ради молим тя: даруй нам, рабом Твоим, всем православным христианам, согласившимся просить Тя о скорби нашей за страждущую страну нашу Российскую и чад Церкви Православныя.

Боже великий и дивный, каяйся о злобах человеческих, возводяй незверженная и утверждаяй ниспадающия, призри милостивным Ти оком на Отечество наше Российское и народ наш, и сокруши благодатию Твоею жертву беззаконную, на земли Российстей бесовом приносимую и избави нас от насильства безбожник и богопротивнаго ига сатанинского, от еретик осквернения и нечестивых инородцев и супостатов попрания.

Да сокрушатся и разорятся в Отечестве нашем (во граде нашем (указать город)) все престолы и вертепы сатанистов и чернокнижников, колдунов и обаятелей, магов и гадателей, содомитов и деторастлителей, осквернителей и совратителей, соблазнителей и растлителей народа нашего. Яко исчезает дым, да исчезнут, яко тает воск от лица огня, тако да погибнут беси и вся нечисть и мерзость сатанинская от лица Святой Руси и народа Божия. Ей, Владыко наш Господи, рекий учеником Твоим: Азъ есмь с вами во вся дни, до скончания века - не остави нас во гресех наших погибнути (здесь можно назвать свои имена), но ослаби, остави, очисти и прости беззакония наша.

Покрый благодатным покровом Твоим Отечество наше Российское (град наш (указать город)) и народ наш, и защити нас от коварства и лукавства супостатов, запрети наглой нечисти, пожени их бурею Твоею и гневом Твоим смути их, блесни молния и разжени я, исполни лица их безчестия, да постыдятся и смутятся в век века, да посрамятся, и силою судеб Твоих гордость их да сокрушится, Имя же Твое Святое да прославится в нас, недостойных, и во Отечествии нашем Российстем и во всех людех Твоих.

Господи Боже Спасителю наш, сердцем сокрушенным к тебе припадая, просим Тя: обольщенныя обрати и на путь правый настави, малодушныя укрепи, маловерныя просвети и духом Твоея ревности воспламени, да не погибнем от сетей вражиих. Сего ради к Тебе прибегаем, яко Ты еси Бог наш и разве Тебе инаго не вемы.

Припадая, стеняще вопием Ти, Боже наш, о исполнении сего прошения нашего. Но обаче не якоже мы хотим, но якоже Ты. Да будет воля Твоя во веки. Аминь.

Комментарии

Комментарии не найдены ...
Добавлять комментарии могут только
зарегистрированные пользователи!
 
Имя или номер: Пароль:
Регистрация » Забыли пароль?
© LogoSlovo.ru 2000 - 2019, создание портала - Vinchi Group & MySites